Փաշինյանը ստում է. տնտեսությունն աճել է խաղամոլության, բանկերի գերշահույթների և ռուս-ուկրաինական պատերազմի հաշվին. Սարգսյան
Այս օրերին Ազգային ժողովի մշտական հանձնաժողովներում քննարկվում է 2022 թվականի բյուջեի կատարման հաշվետվությունը. հաշվետվության մեկնարկը տվեց Նիկոլ Փաշինյանը՝ հայտարարելով, որ 2022 թվականի բյուջեով իրենց Կառավարությունն արձանագրել է՝ ստվերի կրճատման և բարեփոխումների աննախադեպ ռեկորդային բարձր ցուցանիշներ։
«2022 թվականին ՀՀ-ում 12.6 տոկոս տնտեսական աճ է արձանագրվել, որը վերջին 15 տարիների համար աննախադեպ բարձր ցուցանիշ է»,- շեշտել է Փաշինյանը։
168 TV-ի «Ռեվյու» հաղորդաշարի եթերում Աուդիտորների պալատի նախագահ Նաիրի Սարգսյանը, ի պատասխան Փաշինյանի այն շեշտադրմանը, որ 12.6 տոկոս տնտեսական աճը Կառավարության վարած քաղաքականության արդյունքն է, նշեց՝ տնտեսական աճի պատճառն ամեժենևին էլ կապ չունի Կառավարության բարեփոխումների հետ. ավելին՝ հրապարակված վիճակագրական պաշտոնական թվերը հերքում են Փաշինյանի՝ ԱԺ-ում արած հայտարարությունները։
«Օրինակ՝ ըստ հրապարակված վիճակագրության՝ սննդամթերքի արտադրությունն աճել է ընդամենը 7.1 տոկոսով, և այդ ցածր թիվը մենք ունեցել ենք այն դեպքում, երբ մեր երկիր է այցելել 1 միլիոն 700 հազար զբոսաշրջիկ, որոնք սննդամթերք են սպառել։ Աճել է առևտուրը, որի մեջ մանրածախն աճել է ընդամենը 2.6 տոկոսով, իսկ ավտոմեքենաների առևտուրն աճել է 47.2 տոկոսով, մեծածախ առևտուրը՝ 26 տոկոսով։ Ավտոմեքենաների և մեծածախ առևտրի աճը փաստում է, որ Ռուսաստանից Հայաստան և Արևմուտք և հակառակ ուղղությամբ տեղի է ունենում ապրանքների ներմուծում և վերարտահանում, հետևաբար, ի՞նչ բարեփոխման մասին կարող է խոսք լինել»,- ասաց Սարգսյանը՝ ընդգծելով՝ Հայաստանում արձանագրված տնտեսական ցուցանիշները պայմանավորված են Ռուսաստանի և Արևմուտքի միջև միջնորդ հարթակ դառնալու հանգամանքով և ոչ ավելին, իսկ Կառավարության գործունեության իրական պատկերը տալիս են այլ ոլորտներ։
«Օրինակ՝ բանկային գործունեությունն աճել է 67.7 տոկոսով, բանկերը գերշահույթներ են ստանում՝ աղքատացնելով ժողովրդին, աճել է նաև խաղատների գործունեությունը՝ 44.2 տոկոսով»,- ասաց Սարգսյանը՝ ընդգծելով, որ Փաշինյանը ստում է՝ 180 աստիճանով այլ պատկեր է ներկայացրել՝ չասելով, որ տնտեսությունն աճել է ռուս-ուկրաինական պատերազմի, բանկերի և խաղամոլության հաշվին։
Մանրամասները՝ տեսանյութում։
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Հարցեր, որոնց պատասխանները, երբեք չեք լսի խորհրդարանի դահլիճում․ հարցազրույց Էդգար Ղազարյանի հետ