Մրգօղիներ վայելելու բացառիկ հնարավորություն Տավուշում
Այս աշնանը՝ սեպտեմբերի 23-ին, Տավուշի մարզի Կողբ գյուղում երկրորդ անգամ կանցկացվի «Սեպտեմբերֆեստ» մրգօղու փառատոնը։
«Տավուշն ու հատկապես Կողբ գյուղը տարիներ շարունակ առանձնացել են իրենց հյուրընկալությամբ, պատմամշակութային կոթողներով և անմահական բերքուբարիքով։ Բացի այդ՝ Տավուշի մարզը գտնվում է կլիմայական այն գոտում, որտեղ աճում են գրեթե բոլոր մրգերն ու հատապտուղները։ Այսպես ընտրվեց Հայաստան ժամանած հյուրերի և մեր հայրենակիցների համար Հայաստանը ներկայացնող յուրօրինակ ապրանքանիշ դարձած մրգօղու (քաշած օղու) փառատոնի վայրը», - նշեց փառատոնի կազմակերպիչ Կարեն Քոչարյանը։
Փառատոնի ընթացքում տեղի կունենա ինչպես տեղական, այնպես էլ ՀՀ մյուս բնակավայրերի բարիքներից ստացված մրգօղիների ցուցադրություն և վաճառք։ Մրգօղիների ցուցադրությանը զուգահեռ հնարավորություն կլինի նաև համտեսելու տարատեսակ խորտիկներ, ծանոթանալու տեղացի տաղանդավոր արհեստագործների և նրանց սաների աշխատանքներին, մասնակցելու մրցույթների և սեղանի խաղերի առաջնությունների։
Փառատոնը կունենա նաև համերգային հատված, որտեղ իրենց ելույթներով հանդես կգան Արսեն և Արթուր Սաֆարյանները, ինչպես նաև Another story band-ը։
Ցուցադրությանը իրենց տաղավարներով կարող են մասնակցություն ունենալ ինչպես խոշոր, այնպես էլ միջին և անհատ արտադրողներ ողջ Հայաստանից։ Որպես մասնակից տաղավար ամրագրելու համար անհրաժեշտ է լրացնել հետևյալ հղումը։
Սեպտեմբերյան տոնախմբության մասին մանրամասն տեղեկություններ կարող եք ստանալ փառատոնի ֆեյսբուքյան և ինստագրամյան էջերից։
Հիշեցնենք, որ «Սեպտեմբերֆեստ» մրգօղու փառատոնը առաջին անգամ իրականացվեց 2019 թվականին ու իր շուրջ համախմբեց 2000-ից ավելի այցելուների և բազմաթիվ արտադրողների։
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Հարցեր, որոնց պատասխանները, երբեք չեք լսի խորհրդարանի դահլիճում․ հարցազրույց Էդգար Ղազարյանի հետ