Չինաստանում գործարկվել է աշխարհի ամենամեծ համակցված արևային էլեկտրակայանն աղուտներում

Ixbt.com-ը գրում է, որ Չինաստանը գործարկել է աշխարհի ամենամեծ համակցված արևային էլեկտրակայանն աղուտներում: Օպերատորի խոսքով կայանն ի վիճակի է բավարարել 1,5 միլիոն տնային տնտեսությունների էլեկտրաէներգիայի կարիքները։

Չինաստանի պետական ​​Huadian Corporation-ը հայտնել է, որ Huadian Tianjin Haijing էլեկտրակայանը միացվել է ցանցին հյուսիսային Տյանցզին նահանգում: Կայանը բաղկացած է բազմաթիվ արևային մարտկոցներից, որոնք տեղադրված են երկրի ամենահին առափնյա աղուտային ֆերմաներից մեկի՝ Չանգլու աղի դաշտերի ավելի քան 13 քառակուսի կիլոմետր մակերեսի վրա:

Օժանդակ աղ-լույս համակարգն արտադրում է և՛ աղ, և՛ էլեկտրականություն օգտագործելով երկկողմանի արևային վահանակներ, որոնք կլանում են ինչպես արևի ուղիղ ճառագայթներն այնպես էլ աղուտներից ու ջրից արտացոլվող արևի լույսը:

China Huadian-ը հայտնել է, որ կայանն ունի 1 գիգավատ դրվածքային հզորություն և ամեն տարի կարտադրի 1,5 միլիարդ կիլովատ/ժամ էլեկտրաէներգիա: Արտադրված մաքուր էլեկտրաէներգիան կօգնի նվազեցնել ածխածնի արտանետումներն առանց աղի դաշտերի շրջակա միջավայրի վրա ազդելու:

Պետական ​​հեռարձակող CCTV-ն էլ հայտնել է, որ վահանակները միմյանցից ավելի հեռու են տեղակայված, քան մյուս կայաններում է, որպեսզի էներգիայի և աղի արտադրությունն օպտիմալացվի, և վահանակները թեքություն ունեն ջրի մակերևույթի ստվերումը նվազագույնի հասցնելու համար:

Այդ աղի դաշտերն օգտագործվում են նաև ծովախեցգետինների աճեցման համար։ Պետական ​​«Սինհուա» լրատվական գործակալությունը հայտնում է, որ Շանդուն նահանգի Բինչժոու քաղաքում ծովախեցգետնի ֆերմայի տարեկան բերքատվությունն աճել է այն բանից հետո, երբ ֆերմայում տեղադրվել է արևային մարտկոց: Զեկույցի համաձայն արտադրությունն ավելացել է, քանի որ պանելները ստվերում էին ծովախեցգետնի լճակները՝ ջրի ջերմաստիճանն իջեցնելով 1-ից 2 աստիճան Ցելսիուսով:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]