Քաջարան համայնքում ուսանողական հավաք է մեկնարակել․ հովանավորը ԶՊՄԿ-ն է
Քաջարան համայնքում մեկնարկել է ուսանողական ռազմահայրենասիրական հավաքը, որը կրում է ամենամյա բնույթ։ Ուսանողական հավաքին նախորդել է դպրոցական հավաքը։ Երկու դեպքում էլ ներառված են մշակութային, սպորտային ակտիվ միջոցառումները։ Հավաքին մասնակցում են հանրապետության բոլոր մարզերի ուսանողները։ Քաջարանի համայնքապետի օգնական, միջոցառման կազմակերպիչ Արմենակ Հայրապետյանը նշում է, որ ամենամյա հավաքն ունի կարևոր նշանակություն։ «Ուսանողները ձևավորել են ուսանողական շտաբ, ընտրել են ուսանողական խորհրդի նախագահ և տեղակալ։ Արդեն ունեցել ենք բացման համերգ, մարզական մրցումներ, շաշկիի և շախմատի առաջնություն, «ինքնակառավարման օրը քաղաքապետի ընտրություններ ենք արել», քաղաքը ղեկավարել են ուսանողները։ Ունենք նաև դրոշ տեղադրման օրակարգ, որը տեղադրվելու է Քաջարան քաղաքի ամենաբարձր լեռան գագաթին։ Նախատեսված է նաև հանգիստ Թթու ջուր կոչվող հանգաստավայրում։ Ուսանողները մասնակցելու են նաև քաղաքի օրվան նվիրված միջոցառմանը, որը ենթադրում է տարբեր այգիների, պուրակների բացումներ, որի հաղորդավարները ուսանողներն են։ Քաղաքի օրվան նվիրված միջոցառման բացումը ևս վստահված է ուսանողներին, կցուցադրեն նաև իրենց տաղանդները։ Իսկ վերջում էլ բոլորին սպասվում է չորսօրյա հանգիստ Հանքավանում»,- Vesti.am-ի հետ զրույցում նշեց Արմենակ Հայրապետյանը։
Նա կարևորեց Զանգեզուրի պղնձամոլիբդենային կոմբինատի դերը՝ նշելով, որ ամենամյա հավաքների կազմակերպիչը թեև Քաջարան համայնքն է, սակայն հովանավորը ԶՊՄԿ-ն է, առանց որի իրենց ծրագիրը չէր կայանա։ Նույնիսկ երեխաների համար միանման հագուստներ են պատվիրել, հոգում են բոլոր ծախսերը։
Ուսանողական հավաքի ՈւԽ նախագահի տեղակալ Մարիաննա Դանիելյանը նշում է, որ նման հավաքներն արդյունավետ են նախ ինտելեկտուալ գիտելիքներ ձեռք բերելու, ապա նաև նոր ընկերներ են գտնում և միջանձնային հարաբերություններ են ձևավորվում։ Սովորում են ամեն մեկին յուրովի մոտեցում ցուցաբերել։ «Կապ ենք պահում բոլոր բուհերի ՈՒԽ-ների հետ և ներգրավում ենք ուսանողներ, որոնց հետ էլ հետագայում պահպանվում են ընկերական հարաբերություններ, կիսվում ենք փոխադարձ գիտելիքներով և այս հարցում մեզ օգնում է ԶՊՄԿ-ն, առանց այդ հովանավորության կազմակերպել նման հավաք հնարավոր չէր լինի»,- ասաց ՈՒԽ նախագահի տեղեկալը։
Ուսանողներին սպասվում են հետաքրքիր օրեր, իսկ արդյունավետությունը երաշխավորում է Քաջարանի համայնքապետարանը։
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Հրապարակ». Հավաքին մասնակցելու համար ազատել են պաշտոնից
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Մասկա օպերացիա». իրավապահները հրահանգ են ստացել. «Հրապարակ»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
Իշխանությունների թիրախում են ակտիվ արցախցիները. «Հրապարակ»