Ովքե՞ր են աջակցում «Մայր Հայաստան» դաշինքին ու Անդրանիկ Թևանյանին. «Փաստ»
«Փաստ» օրաթերթը գրում է.
Երևանի ավագանու սեպտեմբերի 17-ի ընտրությունների պայքարի մեջ մտած ուժերի շարքում «Մայր Հայաստան» դաշինքն առանձանանում է «կողքից» աջակցության մասին քաղաքական ու հասարակական շրջանակների հրապարակային հայտարարություններով: Ինչպես հայտնի է, «Մայր Հայաստան» դաշինքին աջակցություն է հայտնել ԱԺ «Հայաստան» ընդդիմադիր խմբակցությունը՝ ՀՀ երկրորդ նախագահ Ռոբերտ Քոչարյանի գլխավորությամբ: «Մայր Հայաստան» դաշինքի օգտին քվեարկելու առանձին կոչ-հայտարարությամբ հանդես եկավ նաև ՀՅԴ Հայաստանի Գերագույն մարմինը:
«Փաստի» ունեցած տեղեկությունների համաձայն, հրապարակային աջակցության կոչերից ու հայտարարություններից բացի, այս ընթացքում ամենատարբեր, անգամ իշխանությանը հարող կամ ոչ այնքան վաղուց հարած գործիչներ ու շրջանակներ են կապ հաստատում դաշինքի ղեկավարության հետ և իրենց աջակցությունն են հայտնում՝ առաջիկա ընտրությունների հետ կապված, սակայն հասկանալի պատճառներով առայժմ հակված չեն հրապարակավ հանդես գալ:
«Մայր Հայաստան» դաշինքի պատասխանատու ներկայացուցիչներից մեկը մեր թղթակցի հետ զրույցում հաստատեց, որ կա նման շարժ, որը ավելի շուտ ամենօրյա աշխատանքային գործընթաց է, ու այդ շփումները շարունակական բնույթ են կրում:
Մեր զրուցակիցը նաև հիշեցրեց, որ Արա Աբրահամյանի ղեկավարած «Ռուսաստանի հայերի միությանը» կից «Ռուսաստանում բնակվող Հայաստանի քաղաքացիների ասոցիացիան» ևս օրերս հայտարարեց Անդրանիկ Թևանյանի գլխավորած «Մայր Հայաստան» դաշինքին սատարելու մասին: Ի լրումն, դաշինքին աջակցելու վերաբերյալ հայտարարությամբ հանդես եկան և համագործակցության հուշագիր ստորագրեցին «ԱԱԾ պահեստազորի սպաների միություն» և ««Արցախ» հայրենասիրական կանչ» ՀԿ-ները, ինչպես նաև՝ «Պահեստազորի սպաների շարժում» ՀԿ-ն և «Ձայն հայրենյաց» նախաձեռնությունը:
Մանրամասները՝ «Փաստ» օրաթերթի այսօրվա համարում
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ