Չեն կարողանում կազմակերպել․ «Փաստ»

«Փաստ» օրաթերթը գրում է.

Որքան էլ իշխանությունները խոսում են «արցախահայերին պատշաճ կարգով ընդունելու և նրանց կարիքները հոգալու» մասին, իրականում բավական ծանր պատկեր է տիրում։ Թերթի աղբյուրի փոխանցմամբ՝ բռնի տեղահանված արցախցի մեր հայրենակիցների՝ ՀՀ-ում տեղավորման գործընթացը մեծամասամբ հավուր պատշաճի չի կազմակերպվում, մասնավորաբար, անորոշ են մնում հիմնական աշխատանքով ապահովելու, ինչպես նաև մշտական կեցության հարցերը։

Մարդիկ, ըստ էության, չեն հասկանում, թե իրենց հետագա կարգավիճակն ինչպիսին է լինելու։ Կառավարության մեր աղբյուրը հայտնում է, որ թե՛ աշխատանքի և սոցիալական հարցերի նախարարությունում, որը հանդիսանում է արցախցիների տեղավորման հիմնական կազմակերպիչը, թե՛ մարզպետարաններում պարզապես անկազմակերպ վիճակ է տիրում։ Ավելին, շատ դեպքերում մարզպետները թեման շատ հանգիստ «գցում» են համայնքապետարանների վրա՝ պնդելով, թե այդ հարցը նրանց կարգավորման տիրույթում է, իսկ իրենք ուղղակի միջնորդ օղակ են։

Մանրամասները՝ «Փաստ» օրաթերթի այսօրվա համարում