Գազայում ավելի շատ երեխաներ են սպանվել, քան 20 երկրների հակամարտությունների գոտիներում

Իսրայելը հարվածներ է հասցրել Գազայի հատվածի «Ալ Քուդս» հիվանդանոցին, որտեղ բացի 400 հիվանդից, կար ապաստանող 12 հազար պաղեստինցի, տեղեկությունը հայտնել է Պաղեստինի ներքին գործերի նախարարությունը: «Save the Children» միջազգային բարեգործական կազմակերպության տվյալով՝ իսրայելա-պաղեստինյան պատերազմի ընթացքում՝ հոկտեմբերի 7-ից սկսած, զոհվել է ավելի քան 3 257 երեխա: 3 195-ը՝ Գազայում, 29-ը` Իսրայելում: Կազմակերպությունը հայտնել է, որ Գազայում երեք շաբաթում սպանվել է ավելի շատ երեխա, քան անցած երեք տարիներին 20 երկրների հակամարտությունների գոտիներում: