Ջերմոցներ տեղահանված արցախցիների համար․ Մի դրամի ուժի նոյեմբեր ամսվա ծրագիրը
Իդրամն ու IDBank-ը ամփոփում են «Մի դրամի ուժը» նախաձեռնության հոկտեմբեր ամսվա ծրագիրը։ Նախորդ ամսվա ընթացքում Բանկի և Իդրամի հաճախորդների կատարած յուրաքանչյուր վճարման դիմաց փոխանցված «մի դրամներից» հավաքված ողջ գումարը՝ 3.580.216 դրամ, փոխանցվեց «Հայորդի» նախաձեռնությանը։
Արդեն պատմել ենք, որ դեռ հոկտեմբերի սկզբում, ցավալի իրադարձությունների արդյունքում, «Հայորդին» իր տանիքի տակ առավ մոտ 110 մարդու՝ Արցախից բռնի տեղահանված մեր հայրենակիցներին և ապահովել առաջին անհրաժեշտության պայմաններով՝ փորձելով փոքր-ինչ մեղմել նրանց դրությունը։
«Մի դրամի ուժի» հաջորդ՝ նոյեմբեր ամսվա ծրագիրը ևս նվիրված է Արցախից բռնի տեղահանված մեր հայրենակիցներին։ Նոյեմբեր ամսվա ընթացքում Իդրամի և Բանկի հարթակներով կատարված բոլոր վճարումներից կուտակված գումարը կփոխանցվի տեղահանված արցախցիների համար Սյունիքում ջերմոցների կառուցմանը։
Արցախում տեղի ունեցած վերջին իրադարձությունների հետևանքով, ավելի քան 100,000 արցախցի ստիպված է եղել լքել Արցախը։ Նրանցից ավելի քան 5,000-ը Սյունիքի մարզում գտել են իրենց նոր տունը։ Այս ծրագրի նպատակն է Սյունիքի մարզում բնակվող 50 ընտանիքի համար տնամերձ ջերմոցներ կառուցել և փոխել առնվազն հիսուն ընտանիքի կյանք։ Ծրագիրը ներկայացված է ՌեԱրմենիա հարթակում, որի հետ դեռ մեկ տարի առաջ Իդրամն ու IDBank-ը համագործակցության հուշագիր էին կնքել։
ՌեԱրմենիա հարթակի գործառնական տնօրեն Արտակ Գրիգորյանն ասում է․ «Բազմիցս ականատես ենք եղել, թե «Մի դրամի ուժը» ինչ ազդեցություն է թողնում՝ աջակցելով տարբեր ոլորտներում կարևոր ու բարի գործերին։ Այսօր բոլորիս ուշադրությունը արցախցի մեր հայրենակիցներին ինտեգրմանն ու իրենց կյանքը կայուն հիմքերի վրա դնելուն է ուղղված։ Ուրախ ենք, որ «Մի դրամի ուժն» այս ամիս աջակցելու է Սյունիքում արցախցիներին տնամերձ ջերմոցներով ապահովելու նախագծին։ Նախագիծը թույլ կտա գյուղական համայնքներում տեղավորված արցախցիներին ապահովել եկամտի կայուն աղբյուրով և որոշակիորեն ոտքի կանգնեցնել վերջին արհավիրքից հետո։ Համոզված եմ, որ այս համագործակցությունը կապացուցի համախմբված ու համակարգված գործելու արդյունավետությունը», - հավելում է Արտակ Գրիգորյանը։
Դուք ևս կարող եք միանալ այս նախաձեռնությանը՝ դառնալով բարի կամքի դեսպան։ Դրա համար անհրաժեշտ է պարզապես կատարել Ձեր բոլոր վճարումները Իդրամի և Բանկի հարթակներով։
ԸՆԿԵՐՈՒԹՅՈՒՆՆԵՐԸ ՎԵՐԱՀՍԿՎՈՒՄ ԵՆ ՀՀ ԿԲ ԿՈՂՄԻՑ
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Մեր երկրի պատմությունը շատ դաժան է եղել, բայց շնորհիվ մեր ամուր գենետիկ կոդի` մենք ունենալու ենք լավ...
Վարկային և քրեական համաներում՝ հանուն սոցիալական արդարության․ Հրայր Կամենդատյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Կուրթան. խնդիրներից դեպի լուծումներ․ Նարեկ Կարապետյան
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
ԶՊՄԿ-ն հերթական անգամ նշեց ոլորտի գլխավոր մասնագիտական տոնը՝ Հանքագործի և մետալուրգի օրը
Կոտրելով «ընտրական սինդրոմը». երբ քաղաքացուն չեն մոռանում քվեարկությունից հետո. «Փաստ»