ԱԱԾ-ն հրահանգով հետևում է Երևանի վարչական շրջաններին
Երևանի քաղաքապետի ընտրություններից հետո Ազգային անվտանգության ծառայությունը շատ ավելի ուշադիր է սկսել հետևել Երևանի տարբեր վարչական շրջանների աշխատանքին։
Դեռևս նոյեմբերի 2-ին ԱԱԾ-ն բերման էր ենթարկել Մալաթիա-Սեբաստիա վարչական շրջանի նախկին թաղապետ Արման Բարխուդարյանին և մի քանի աշխատակիցների։ Ավելի ուշ տեղեկություն հայտնվեց, թե բոլորին ազատ են արձակել, իսկ նախկին թաղապետը քրեական գործով մեղադրյալ չէ։ Ըստ տարածված տեղեկությունների՝ Բարխուդարյանն ու իր ենթակաները բերման են ենթարկվել գնումների գործընթացում պաշտոնեական դիրքը չարաշահելու կասկածանքով։
Նոյեմբերի 13-ին ձերբակալվեցին և կալանավորվեցին Կենտրոն վարչական շրջանի երկու պաշտոնյաներ։ Հակակոռուպցիոն կոմիտեի տեղեկություններով Տիգրան Մարտիրոսյանն ու մեկ այլ աշխատակից տարբեր անձանցից ստացել էին շուրջ մեկ միլիոն 700 հազար դրամ կաշառք։ Նրանց էլ կաշառք ստանալու և պաշտոնեական դիրքը չարաշահելու մեղադրանքներ էին առաջադրել։
Երեկ տեղեկություն են տարածել, որ ԱԱԾ աշխատակիցները բերման են ենթարկել Կենտրոն վարչական շրջանի ղեկավար Սամվել Ղուկասյանին։ Ավելի ուշ քաղաքապետարանից հերքեցին տեղեկությունը, նշեցին, որ նրան ընդամենը հրավիրել են Հակակոռուպցիոն կոմիտե, որոշ հարցեր ուղղել։ Ըստ քաղաքապետարանի՝ վարչական շրջանի ղեկավարն այս գործով որևէ կարգավիճակ չունի։
Այդուհանդերձ հարկ է նշել, որ Երևանի քաղաքապետարանի շուրջ իրավապահ մարմինների չափազանց մեծ ուշադրությունն արդեն աչք է ծակում։ Ի դեպ «Քաղաքացիական պայմանագիր» կուսակցությունում նշում են, թե իրավական խնդիրներ քաղաքապետարանում և այլ կառույցներում մշտապես են եղել, սակայն ԱԱԾ և այլ իրավապահների ուշադրությունն ամենևին էլ պատահական չէ, կամ էլ օպերատիվ տեղեկություններով պայմանավորված չէ, պարզապես քաղաքապետի պաշտոնը Տիգրան Ավինյանին տալուց հետո Փաշինյանը փորձում է նրան հասկացնել, որ ինքն է իրավիճակի գլխավոր վերահսկողը և ցանկացած պահի կարող է քրեական գործ հարուցել ոչ միայն Ավինյանի մտերիմների, այլ նաև յուրաքանչյուր ՔՊ-ականի նկատմամբ։
Սոնա Սիմոնյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...