Հարաբերությունները խիստ լարված են, որքան էլ Փաշինյանը հղում կատարի Պուտինի հետ հարաբերություններին ու հայտարարություններին. Արթուր Խաչատրյան
Վերին Լարսի անցակետով Վրաստանից Ռուսաստան տանող ճանապարհը փակվել է բոլոր տեսակի տրանսպորտային միջոցների համար։ Շուրջ 1500 հազար հայկական բեռնատար է կանգնած անցակետի մոտ։ Տեղեկությունը լրատվամիջոցներին փոխանցել էր ՌԴ-ում ՀՀ դեսպանության մաքսային կցորդ Վահան Հակոբյանը:
ԱԺ «Հայաստան» խմբակցության պատգամավոր Արթուր Խաչատրյանն էլ այսօր խորհրդարանում լրագրողների հետ ճեպազրույցում փոխանցեց, որ Վերին Լարսի պատճառով հայ արտադրողները, տնտեսվարողները հերթական անգամ կանգնել են խնդրի առջև։
«Այդ տնտեսվարողներն իրավունք ունեն ակնկալել, որ այն կառավարությունը, որն ապրում է իրենցից գանձվող գումարների հաշվին՝ լուծի տնտեսվարողների կարիքները։ Կառավարությունը պետք է փորձի հարցը լուծել, այլ ոչ թե փորձի մեղավորներ գտնել, իսկ այն, որ արտադրողները, արտահանողները, տրանսպորտային ընկերությունները տարվա ընթացքում արդեն որերորդ անգամ կանգնել են նման խնդրի առջև, ցույց է տալիս, որ նաև այդ հարցում Կառավարությունը մեծ հաջողություններով հպարտանալու առիթ չունի»,- ասաց Արթուր Խաչատրյանը։
Նրա կարծիքով՝ Ռուսաստանի կողմից այս քայլը պատահական չէ, որոշակի ուղերձ է։
Ընդդիմադիր պատգամավորի խոսքով՝ դեռևս ահազանգ չունեն, որ Վրաստանի կողմից որևէ խնդիր կա։ Ամենայն հավանականությամբ, Վրաստանը որևէ խնդիր չունի, խնդիրն առաջացել է Լարսի անցակետում՝ Վրաստանի ու Ռուսաստանի սահմանին։
«Խնդիրը միայն ՀԱՊԿ-ը չէ, երկար հարցազրույցի ժամանակ նա նաև այլ արտահայտություններ էլ է արել։ Սովետի ժամանակ երբ ապրանքների գները բարձրացնում էին, ասում էին՝ ընդառաջելով աշխատավորների պահանջներին, հիմա երբ ասում են՝ ՀԱՊԿ-ի հետ կապված կա նաև ժողովրդի պահանջ, ես չեմ հասկանում՝ դա ինչպես են չափել ու գնահատել։
Ակնհայտ է, որքան էլ Փաշինյանն ասի, որ հարաբերությունները Ռուսաստանի հետ շատ լավ են, հղում կատարի Պուտինի հետ իր հարաբերություններին ու Պուտինի հայտարարություններին, ակնհայտ է, որ այդ հարաբերությունները խիստ լարված են, և դա չի կարող իր անդրադարձը չունենալ հանրային տրամադրությունների վրա»,- ընդգծեց ընդդիմադիր պատգամավորը։
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...