Բրիտանիայի աչքը հիմա էլ հայկական բանակի վրա է
Հայաստան փափուկ ուժի միջոցով բրիտանական «ներխուժումը» նոր դրսևորումներ է ստանում։ Մեր տեղեկություններով՝ բրիտանական հատուկ ծառայությունները ցանկանում են նաև ներկայացված լինել հայկական բանակում և վերահսկողություն իրականացնել։
Նախօրեին Լոնդոնում տեղի է ունեցել հայ-բրիտանական 6-րդ պաշտպանական ռազմավարական խորհրդակցությունները։ Հայկական պատվիրակությունը գլխավորել է ՊՆ պաշտպանական քաղաքականության և միջազգային համագործակցության վարչության պետ Լևոն Այվազյանը։ Նա բրիտանացի գործընկերներին ներկայացրել է Հայաստանի շուրջ ստեղծված անվտանգային իրավիճակը, տարածաշրջանային խաղաղությանն ու կայունությանն ուղղված հայկական կողմի քայլերը, այդ թվում խաղաղության խաչմերուկ նախագիծը։ Հատկապես արևմտյան գործընկերների հետ ՊՆ հարաբերությունները ձևակերպում և առաջ է մղում հենց այս վարչությունը, որն առանձնապես լուրջ կապեր ունի նաև ՆԱՏՕ-ի երկրների և ռազմական գերատեսչությունների հետ։
Լոնդոնում նաև ստորագրվել է պաշտպանության ոլորտում հայ-բրիտանական համագործակցության 2023-2024 թվականի ծրագիրը։ Եվ բրիտանական կողմը, ըստ մի շարք աղբյուրների ցանկանում է առանձնակի վերահսկողություն ունենալ հայկական զինված ուժերի նկատմամբ, դա արևմուտքին թույլ կտա ոչ միայն իր ձեռքը պահել ուսի վրա, այլև թույլ տալ Հայաստանի զինված ուժերի մարտունակության բարձրացումը։ Այս համատեքստում չափազանց ուշագրավ են նաև Եվրամիության երեկ ընդունած հայտարարությունը, որ չեն բացառում Հայաստանին ոչ մահաբեր զենքի կամ ավելի ճիշտ պաշտպանողական զենքի առաքումները։ Դրա համար օգտագործելու են եվրոպական խաղաղության շրջանակը, այդ նախաձեռնությամբ միայն այս տարվա ընթացքում Մոլդովան մի քանի միլիոն դոլարի աջակցություն է ստացել ականազերծման և լոգիստիկայի հարցերով։
Աշոտ Մելքոնյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...