Մարդասիրական-բարեգործական նպատակով Հայաստան են եկել ՌԴ ՄԻՊ ներայացուցիչները
Ինչպես արդեն տեղեկացրել ենք, ՌԴ մարդու իրավունքների պաշտպան Տատյանա Մոսկալկովայի «Սրտից՝ սրտին» ակցիայի շրջանակներում հավաքվել և Հայաստան է ուղարկվել մարդասիրական օգնություն՝ Արցախից բռնի տեղահանվածների ընտանիքների համար:
Արցախից բռնի տեղահանվածների կարիքներին, նրանց առջև ծառացած տարատեսակ խնդիրներին տեղում ծանոթանալու և առավել հասցեական օժանդակություն ցուցաբերելու նպատակով՝ Հայաստանում էին ՌԴ ՄԻՊ գրասենյակի աշխատակազմի ղեկավարի տեղակալ Վլադիմիր Աբրամովն ու ՌԴ ՄԻՊ ներկայացուցիչ Վիկտորիա Սալտանովան:
Ի թիվս բազմաթիվ հանդիպումների, ՌԴ ՄԻՊ ներկայացուցիչներն այցելել են նաև Արարատի մարզի Մասիս համայնք, որտեղ ժամանակավոր կեցություն է ստացել մոտ 12 հազար արցախցի: Նրանցից 12-ը ՌԴ քաղաքացիներ են կամ ունեն երկքաղաքացիություն:
Մասիս համայնքի ղեկավար Դավիթ Համբարձումյանը Ռուսաստանի հայերի միության և ՌԴ ՄԻՊ ներկայացուցիչներին է ներկայացրել Արցախից բռնի տեղահանված մեր հայրենակիցների դժվարությունները, այն աշխատանքները, որ համայնքում իրականացվում են՝ արցախցիներին օգնելու համար:
Ռոթւսաստանի հայերի միության և ՌԴ ՄԻՊ ներկայացուցիչները Մասիսում հանդիպել են բռնի տեղահանված քաղաքացիներին, եղել են նրանցից մի քանիսի կացարաններում, անձամբ տեղեկացել են առկա խնդիրներին և իրական կարիքներին:
Վլադիմիր Աբրամովն ու Վիկտորիա Սալտանովան հանդիպել են նաև ՀԱԱ Մասյացոտն թեմի առաջնորդ Տեր Գեւորգ եպիսկոպոս Սարոյանին, ով նույնպես ակտիվ ներգրավված է բռնի տեղահանված արցախցիներին օգնելու աշխատանքներում:
Հիշեցնենք, որ ՌԴ մարդու իրավունքների պաշտպան Տատյանա Մոսկալկովայի «Սրտից՝ սրտին» ակցիայի շրջանակներում արցախցիներին ուղղված մարդասիրական օգնությունը հավաքվել է Ռուսաստանի հայերի միության դիմումի կապակցությամբ, «Պլանետա», «Վերածնունդ և հույս» ռուսաստանյան հիմնադրամների ինչպես նաև Ռուսաստանի Ազգային ճակատի աջակցությամբ:
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Հրապարակ». Հավաքին մասնակցելու համար ազատել են պաշտոնից
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»