Միրզոյանի հակառուսական նոր դեմարշը
Բրյուսելում երեկ հանդիպել են Հայաստանի և Ուկրաինայի արտգործնախարարներ Արարատ Միրզոյանն ու Դմիտրի Կուլեբան։ Հանդիպումից հետո Ուկրաինայի արտգործնախարարն իր միկրոբլոգում գրել է, թե քննարկել են Ուկրաինա-Հայաստան երկխոսության զարգացումը՝ ի շահ երկու ժողովուրդների։ «Ուկրաինան հանդես է գալիս Հարավային Կովկասում խաղաղության օգտին հիմնված ՄԱԿ-ի կանոնադրության և միջազգային իրավունքի նկատմամբ հարգանքի վրա, ինչպես նաև տարածաշրջանային առևտրի և մշակութային նախագծերի զարգացման օգտին՝ Սև ծովից մինչև Կասպից ծով»,- նշել է Ուկրաինայի արտգործնախարարը։
Ընդհանրապես 44-օրյա պատերազմից հետո ուկրաինական պատերազմի ժամանակ և դրանից հետո Ուկրաինան պարբերաբար հանդես է եկել ադրբեջանամետ դիրքորոշումներով, իսկ վերջին շրջանում հատկապես Ադրբեջանից ստացված օգնությունների ֆոնին Կևի ադրբեջանամետ հայտարարություններն ավելի են ուժգնացել։ Հայաստանի իշխանությունները, սակայն, փորձում են ամեն կերպ սրել հայ-ռուսական հարաբերությունները՝ հստակ գիտակցելով, որ դրա համար ամենակարևորագույն ուղղություններից մեկն ուկրաինական ուղղությունն է։ Բնավ զարմանալի չէ, որ Նիկոլ Փաշինյանն անձամբ էր կնոջն ուղարկել Կիև՝ օգնություն տանելու, ինչից հետո ռուսական պաշտոնական շրջանակներից բացառապես դատապարտման խոսքեր են հնչել։ Իսկ երեկվա հանդիպումը լիովին տեղավորվում է հենց այդ տրամաբանության մեջ։
Միրզոյանն, ի դեպ, Բրյուսելում հանդիպումների ընթացքում կարող էր և առանձին հանդիպում չունենար Կուլեբայի հետ, կամ էլ միջանցքում կանգնած մի քանի բառ փոխանակեր, փոխարենը նա նախընտրել է առանձին սենյակում, դեմ առ դեմ նստել Կուլեբայի հետ, իսկ նրանց դիմաց եղել են Հայաստանի և Ուկրաինայի դրոշները, իսկ սենյակի անկյունում արդեն միայն Ուկրաինայի հսկայական դրոշն է կանգնեցված եղել, ինչը նշանակում է, որ Միրզոյանը հատուկ է այս քայլն արել՝ զուտ ռուսական կողմին նյարդայնացնելու համար։
Արման Հայրապետյան
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Հրապարակ». Հավաքին մասնակցելու համար ազատել են պաշտոնից
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»