Փաշինյանին նոր շոուներ են հարկավոր արտահերթից առաջ
Հակակոռուպցիոն դատարանում երեկ դատախազը հանդես է եկել պետեկամուտների կոմիտեի նախկին նախագահ Գագիկ Խաչատրյանին կալանավորելու օգտին։ Խաչատրյանն արդեն ամիսներ շարունակ դատարան է գալիս ձեռնափայտով, դեմքին դիմակ և ակնհայտ առողջական լուրջ խնդիրներով։ Դատախազությունն էլ պատճառաբանում է, թե միայն այս տարվա ընթացքում նշանակված 14 դատական նիստ չի կայացել՝ Գագիկ Խաչատրյանի առողջական վիճակի պատճառով և պահանջում են կալանավորել Խաչատրյանին՝ նրան պարբերաբար դատարան բերելու համար։
Ամենևին չենք ցանկանում խախտել պետեկամուտների կոմիտեի նախկին նախագահի անմեղության կանխավարկածը, սակայն այն ինչ փորձում են անել նրա հետ ընդհանրապես խոշտանգման ժանրից է։ Ավելին, Փաշինյանը հանձնարարել է առաջիկայում ակտիվացնել գրեթե բոլոր ապօրինի գույքերով գործերի քննությունը։
Արտահերթ ընտրություններին ընդառաջ՝ Փաշինյանին լիակատար շոուներ են անհրաժեշտ, հարկավոր է մի քանի հոգու վերաբերյալ վճիռ կայացնել, գումարներ բռնագանձել, հանրությանը ցույց տալու համար, թե իշխանությունն իրականում աշխատում է։ Փաշինյանը հասկանում է, որ միայն արտաքին քաղաքական և Արցախի հարցերով թեզերով ընտրություններին չի կարողանալու բավարար չափով ներկայանալ իր համակիրների առջև, որոնք «արյուն են տենչում»։
Հինգ տարվա ընթացքում Նիկոլ Փաշինյանը պարբերաբար խոստացել է կուլակաթափ անել կոռումպացված նախկիններին, սակայն մինչ օրս որևէ մեկի վերաբերյալ քրեական գործ գոյություն չունի, ուստի և հարկավոր է օր առաջ արագացնել գործերի քննությունը, շուտափույթ վճիռներ կայացնել մինչև գարուն, որպեսզի այդ հանգամանքը հնարավոր լինի օգտագործել քարոզարշավի ժամանակ։
Մեր աղբյուրների փոխանցմամբ՝ Փաշինյանի թիրախում են ոչ միայն Գագիկ Խաչատրյանը, այլ նաև մյուս հայտնի դեմքերը։ Հակակոռուպցիոն դատարանում, ի դեպ, մի քանի տասնյակ անձանց վերաբերյալ գործեր են քննում, սակայն Փաշինյանը կոնկրետ ցուցակ է ներկայացրել, թե ում պետք է առաջինը կուլակաթափ անել և նրանց անունները ներկայացնել հանրությանը։
Էրիկ Բարսեղյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...