Գրանթ Թորնթոն Հայաստանի Կառավարման խորհուրդը նոր նախագահ ունի
Գրանթ Թորնթոն Հայաստանը 2023 թվականը ամփոփում է նոր նշանակումով. 2024 թ-ի հունվարի 1-ից Արմեն Հովհաննիսյանը զբաղեցնելու է Գրանթ Թորնթոն Հայաստանի* Կառավարման խորհրդի նախագահի պաշտոնը: Պարոն Հովհաննիսյանը նոր պաշտոնում կփոխարինի Գագիկ Գյուլբուդաղյանին:
Գագիկ Գյուլբուդաղյանը երկար և բեղմնավոր ուղի է անցնել Գրանթ Թորնթոն Հայաստանի հետ՝ զբաղեցնելով ղեկավար պաշտոններ ավելի քան 25 տարի, այդ թվում՝ 6 տարի շարունակ հանդիսացել է նաև Գրանթ Թորնթոն Ինթերնեշնլի Կառավարման խորհրդի անդամ:
«Պարոն Գյուլբուդաղյանի բարձր պրոֆեսիոնալիզմն ու նվիրվածությունը աշխատանքին մեծ դեր են ունեցել Գրանթ Թորնթոն Հայաստանի՝ որպես ոլորտի առանցքային դերակատարի, հաստատման գործում: Այսօր ես՝ ի դեմս մեր ընկերության ավելի քան 150 աշխատակիցների, ցանկանում եմ շնորհակալություն հայտնել նրան մեր ընկերությանը երկար տարիների անմնացորդ նվիրումի ու անձնվեր աշխատանքի համար», մեկնաբանում է Գրանթ Թորնթոն Ինթերնեշնլի Եվրոպայի, Մերձավոր Արևելքի և ԱՊՀ տարածաշրջանային ղեկավար Գուրգեն Հակոբյանը:
Կառավարման խորհրդի նորանշանակ նախագահ Արմեն Հովհաննիսյանը ֆինանսական կազմակերպությունների աուդիտի և հաշվապահական հաշվառման ոլորտի առաջատար մասնագետներից է, որը 1998 թ-ից ղեկավարել է Գրանթ Թորնթոն Հայաստանի համապատասխան բաժինը՝ զբաղեցնելով նաև ֆինանսական տնօրենի պաշտոնը: Պարոն Հովհաննիսյանը Հայաստանի աուդիտորների և փորձագետ հաշվապահների պալատի խորհրդի անդամ է: 2020 թ-ից ի վեր նա զբաղեցնում է «Գրանթ Թորնթոն» ՓԲԸ-ի տնօրենի պաշտոնը:
«Ուրախ եմ այս կարևոր պաշտոնում ողջունել պարոն Արմեն Հովհաննիսյանին, որը մեր ոլորտի փայլուն գործիչներից է և մեր ընկերության հիմնասյուներից: Նրա ռազմավարական տեսլականը և գերազանցության ձգտումը միանգամայն համահունչ են Գրանթ Թորնթոն Հայաստանի արժեքներին և նպատակներին: Վստահ եմ, որ պարոն Հովհաննիսյանի ղեկավարությամբ Գրանթ Թորնթոն Հայաստանի միասնական Կառավարման խորհուրդը կշարունակի կյանքի կոչել ավելի համարձակ նախագծեր և հավատարիմ կմնա իր հաճախորդներին բացառիկ ծառայություններ մատուցելու հանձնառությանը»,- հավելում է պարոն Հակոբյանը:
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...