ՀԱՊԿ նիստը՝ կրկին առանց հայերի մասնակցության
Մոսկվայում այսօր կայանալու է ՀԱՊԿ խորհրդարանական վեհաժողովի նիստը, որին հայկական կողմի որևէ ներկայացուցիչ չի մասնակցելու։ Ազգային ժողովի նախագահ Ալեն Սիմոնյանն ավելի վաղ հայտարարել էր, որ չի մասնակցելու այդ միջոցառմանը, ինչպես նաև նշել էր, որ ծանուցել է ՀԱՊԿ գծով գործընկերներին, մասնավորապես Սիմոնյանը նամակ էր հղել Պետդումայի նախագահ Վյաչեսլավ Վոլոդինին, հայտնել, որ ո՛չ ինքը, ո՛չ էլ Հայաստանի Ազգային ժողովի որևէ պատգամավոր չի մասնակցելու։
Այս անգամ ևս Հայաստանին վերաբերող հարցերը քննարկելու են առանց Հայաստանի մասնակցությամբ։ Մասնավորապես օրակարգում ՀԱՊԿ միասնական հակաօդային պաշտպանության համակարգ ստեղծելու հարցն է, որի ստեղծման մասին հայտնի էր դարձել նոյեմբերի 22-ին Մինսկում տեղի ունեցած ՀԱՊԿ երկրների ղեկավարների գագաթնաժողովից հետո։ Հայաստանի վարչապետի պաշտոնը զբաղեցնող անձը, նշենք, չէր մասնակցել նաև այդ գագաթնաժողովին։
Ընդհանրապես, հայկական կողմը վերջին շրջանում խուսափում է ԱՊՀ և ՀԱՊԿ միջոցառումներից։ Երեկ ԱՊՀ անդամ պետությունների կառավարությունների ղեկավարների հավաքին ևս Փաշինյանը չի մասնակցել։ Տարօրինակ կերպով հայկական կողից մասնակցություն եղել է։ Փաշինյանի փոխարեն այդ հավաքին ներկա է գտնվել Մհեր Գրիգորյանը։ Ըստ պաշտոնական հաղորդագրության՝ մի շարք առանցքային հարցեր են քննարկվել։
Հայաստանը նաև, մինչ այս պահը, հրաժարվում է հաստատել՝ արդյոք մասնակցելու է դեկտեմբերի վերջին կայանալիք ԵԱՏՄ անդամ պետությունների ղեկավարների հավաքին, ինչպես նաև ԱՊՀ ոչ պաշտոնական հանդիպմանը։ Ռուսաստանի նախագահ Վլադիմիր Պուտինը երեկ տեսաուղերձով դիմել էր կառավարությունների ղեկավարներին, նաև հույս էր հայտնել, որ այդ երկրների ղեկավարները կմասնակցեն Սանկտ Պետերբուրգում կազմակերպվող հավաքներին։
Եթե Փաշինյանը հրաժարվի այս հավաքից ևս, ապա դա լուրջ քաղաքական և տնտեսական հետևանքներ կարող է ունենալ Հայաստանի Հանրապետության համար։
Նարեկ Խաչատրյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...