Փաշինյանը շարունակում է իշխանության գերկենտրոնացման իր քաղաքականությունը
Նիկոլ Փաշինյանը շարունակում է իշխանության գերկենտրոնացման իր քաղաքականությունը։ Ժամանակին Սերժ Սարգսյանին մեղադրելով իր հագով կոստյում կարելու, սահմանադրությունը վերաձևելու և սուպեր վարչապետական համակարգ ստեղծելու մեջ՝ Փաշինյանն ավելի է ամրապնդում այդ սուպերվարչապետության հիմքերը։ Խորհրդարանը երեկ 67 կողմ, 22 դեմ ձայններով ամբողջությամբ ընդունել է նախագիծը, որով Ազգային անվտանգության ծառայության ղեկավարին նշանակելու է ոչ թե նախագահը, այլ վարչապետը։
Կասկած չկա, որ Վահագն Խաչատուրյանը ստորագրելու է այս օրենքը, և այլևս Նիկոլ Փաշինյանը կարող է ցանկացած պահի հեռացնել ԱԱԾ տնօրենին և նրա տեղակալներին և նրա փոխարեն ցանկացած մեկին նշանակել։ Ավելին ԱԱԾ պետի տեղակալներն այսուհետ չեն համարվելու զինվորական պաշտոնյաներ և Փաշինյանը կարող է իր յուրաքանչյուր ապիկար կողմնակցին նշանակել ԱԱԾ պետի տեղակալի պաշտոնում։
Ի սկզբանե Փաշինյանը դրել էր ԱԱԾ-ն ամբողջությամբ կազմաքանդելու նպատակ, որն էլ իրականացնում է հետևողականորեն։ Պետական պահպանության ծառայությունն առանձնացվեց, Արտաքին հետախուզության համար նոր ծառայություն ստեղծվեց և այժմ միայն հակահետախուզության և սահմանների պահպանության գործն է մնացել ԱԱԾ-ի վրա։ Այս առումով Փաշինյանը նաև այդ աշխատանքը չի վստահում ԱԱԾ-ին և փորձում է անձնական վերահսկողություն սահմանել ծառայության նկատմամբ։ Սա նաև անվստահություն է իրենց իսկ կողմից նախագահի պաշտոնում նշանակված Վահագն Խաչատուրյանի նկատմամբ։ Փաշինյանն իր, գրեթե բոլոր կողմնակիցներին այլևս չի վստահում, ուստի և փորձում է ամբողջ իշխանությունը կենտրոնացնել իր ձեռքին, որպեսզի հեռու մնա հնարավոր էքսցենսներից։
Սեդա Մարգարյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...