Փաշինյանը մի քանի օրյա լռությունից հետո վերջապես որոշել է պատասխանել Ալիևին
Հայաստանի վարչապետի պաշտոնը զբաղեցնող Նիկոլ Փաշինյանը մի քանի օրյա լռությունից հետո վերջապես որոշել է պատասխանել Ադրբեջանի նախագահ Իլհամ Ալիևին և այլ պաշտոնյաների, հայտարարել, թե վերջին օրերին Բաքվից հնչող հայտարարությունները համարում է լրջագույն հարված խաղաղության գործընթացին։
Այն, որ Բաքուն զգալի ավելացրել է իր ախորժակը Հայաստանի իշխանությունների թուլակամության և տկարամտության հետևանքով, որևէ մեկի մոտ կասկած չի հարուցում։
Փաշինյանն այժմ ինքն էլ հասկանում է, որ լրջագույն խնդիրներ է առաջացրել թե՛ Հայաստանի և թե՛ հենց իր համար՝ Խաղաղության խաչմերուկ առաջ մղելով որևէ կերպ չի բարելավել Հայաստանի դիրքերը, ընդհակառակն ավելի լուրջ վնաս է հասցրել։ Այժմ էլ Նիկոլ Փաշինյանը կրկին անդրադարձել է թե՛ անկլավներին և թե՛ Զանգեզուրի միջանցքին, մասնավորապես հայտարարել, թե Ադրբեջանի կողմից չորս անկլավների հարցերի բարձրացմանը զուգահեռ, Հայաստանն էլ 32 գյուղերի հարցն է բարձրացնում։ Թե որոնք են այդ գյուղերը, Փաշինյանն իհարկե չի նշել։
Հայտարարել է նաև, որ նոյեմբերի 9-ի եռակողմ հայտարարության մեջ Զանգեզուրի միջանցք տալու որևէ պարտավորվածություն չունի։ Զանգեզուր բառն իհարկե, եռակողմ հայտարարության մեջ գրված չէ, սակայն Փաշինյանն իր ձեռքով է ստորագրել հաղորդակցությունները բացելու պարտավորությունը՝ ընդ որում վերահսկողությունը հանձնելով Ռուսաստանի անվտանգության դաշնային ծառայությանը։ Այժմ հայկական կողմը կտրականապես հրաժարվում է միջանցքային տրամաբանությունից, ինչն իհարկե, ամենևին էլ չի բարձրացնում Հայաստանի գործող իշխանությունների հնարավորությունները։ Հայաստանին վաղուց այլևս վերաբերվում են ոչ թե սուբյեկտի, այլ օբյեկտի և հարաբերություններն էլ կառուցում են հենց այդ տրամաբանությամբ։
Գործող իշխանությունների պարագլուխն ընդամենը նպատակ ունի հերթական անգամ մեղքն իր վրայից մի կողմ նետելու և կրկին քավության նոխազներ փնտրելու՝ Հայաստանի դեմ իր դավադիր քաղաքականության պատասխանատվությունից հրաժարվելու նպատակով։
Մանուկ Գրիգորյան
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Հրապարակ». Հավաքին մասնակցելու համար ազատել են պաշտոնից
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Մասկա օպերացիա». իրավապահները հրահանգ են ստացել. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Իշխանությունների թիրախում են ակտիվ արցախցիները. «Հրապարակ»