Լոռու մարզպետ կդառնա նախկին ոստիկանը
Տարածված տեղեկությունների համաձայն՝ Լոռու մարզպետ է նշանակվելու մի քանի մարզերում ոստիկանապետ աշխատած Արամ Ղազարյանը։
Օրեր առաջ Նիկոլ Փաշինյանը Լոռու և Արմավիրի մարզ այցերից և դպրոցներում շինարարության անորակությունից բողոքելով՝ պաշտոնանկ արեց Արմավիրի մարզպետ Էդվարդ Հովհաննիսյանին և Լոռու մարզպետ Արամ Խաչատրյանին։ Եթե Արմավիրի մարզում մարզպետի պաշտոնի համար որևէ խնդիր չկար, Դավիթ Խուդաթյանը վայելում էր հենց ՔՊ-ի վստահությունը, ապա Լոռու մարզի դեպքում լուրջ խնդիրներ կարող էին ծագել, քանի որ այդ մարզում «Քաղպայմանագիրը» չուներ համապատասխան թեկնածու մարզպետի պաշտոնում նշանակելու համար։
Ինչպես և ավելի վաղ կանխատեսել էինք, մարզպետ է նշանակվելու ուժային կառույցներում աշխատած անձը, ինչպես որ տեղի ունեցավ Վայոց ձորի մարզում, երբ Արարատ Գրիգորյանին փոխարինեց Վայոց ձորի ԱԱԾ բաժնի պետ Կոլյա Միքայելյանը։
Ղազարյանը 2016 թվականից 2,5 տարի եղել է ոստիկանության Լոռու մարզային վարչության պետը, ապա պաշտոն է զբաղեցրել Գեղարքունիքի մարզում և Շիրակի մարզում, իսկ անցած տարվա հունիսից ՏԿԷՆ ենթակայությամբ գործող Երևանի ՋԷԿ ՓԲԸ գլխավոր տնօրենն է։
«Քաղաքացիական պայմանագիր» կուսակցությունը և Նիկոլ Փաշինյանը հասկացել են, որ սեփական ուժերով և կադրերով բացարձակապես չեն կարողանալու որևէ կերպ ազդել թե՛ կառավարման որակի և թե՛ առավել ևս արտահերթ ընտրությունների արդյունքների վրա, ուստի և առաջիկայում փոփոխությունները շարունակվելու են և բոլոր այն մարզերում ու համայնքներում, որտեղ «Քաղպայմանագիրը» չունի ընդգծված, ազդեցիկ ներկայացուցիչ փոխարինվելու և նշանակվելու են ուժային մարմինների՝ հատկապես ԱԱԾ-ի և ոստիկանության ներկայացուցիչներ։
«Քաղպայմանագրի» մեր աղբյուրի փոխանցմամբ՝ միայն այս կերպ Նիկոլ Փաշինյանը հույսեր է փայփայում, որ կկարողանա լուրջ հաջողությունների հասնել արտահերթ ընտրություններում։
Մարինե Սարատիկյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Տարադրամի փոխարժեքները դեկտեմբերի 27-ին
Դոլարն ու ռուբլին թանկացել են․ փոխարժեքն՝ այսօր
ՊՆ պաշտոնատար անձինք մեղադրվում են խոշոր չափերի հափշտակության մեջ. նախաքննությունն ավարտվել է
Արցախ վերադարձի հարցը Փաշինյանի համար փակված է, մեզ համար փակված չէ, կա նոյեմբերի 9-ի փաստաթուղթ, որ...
Շիրակի մարզում, Արագածի, Թալինի, Հրազդանի, Չարենցավանի, Ստեփանավանի, Սպիտակի, Վանաձորի, Իջևանի, Բերդ...