Համագումարը շատ թեժ է անցնելու. «Փաստ»
«Փաստ» օրաթերթը գրում է.
Այսօր տեղի է ունենալու Առաջատար տեխնոլոգիաների ձեռնարկությունների միության, այսպես կոչված, հաշվետու համագումարը, որի ժամանակ նախատեսվում են նաև գործադիր մարմնի ու ղեկավարության նոր ընտրություններ:
«Փաստ» թերթի տեղեկություններով, ո՛չ համագումարը, ո՛չ էլ ընտրությունները, շատ մեղմ ասած, հանգիստ չեն անցնելու: Բանն այն է, որ ԱՏՁՄ-ում այսօր կա բավական ծանրակշիռ հատված, որը չափազանց դժգոհ է միության գործող ղեկավարությունից՝ համարելով, որ նախորդ տարին պարզապես ձախողված կարելի է համարել թե՛ միության, թե՛ ընդհանրապես ՏՏ ոլորտի համար: Միության անդամներից շատերը, մեր աղբյուրների փոխանցմամբ, վստահ են, որ Կարեն Վարդանյանից հետո միության նոր ղեկավարությունն ու գործադիր մարմինը որևէ արդյունք ցույց չեն տվել, և նրանց անհաջող գործունեության արդյունքում շատ լուրջ խնդիրներ են առաջացել՝ սկսած 2023-ին նոր բացված Արմաթ լաբորատորիաների աննախադեպ քիչ քանակից մինչև «Դիջիթեք», որը ևս համարվում է ձախողված:
Մեր տեղեկություններով, նաև լուրջ դժգոհություն կա միության գործող տնօրենից, որի գործունեությունը շատերը ԱՏՁՄ-ում գնահատում են «անատամ»՝ նշելով, որ նա չի կարողանում պաշտպանել ոլորտի շահերը և փորձում է հարմարվել իշխանությունների պայմաններին ու պահանջներին: Ավելին, խնդիրներ կան կատարողների առումով, քանի որ, մեր աղբյուրի փոխանցմամբ, թիմում հիմնականում սորոսական դրամաշնորհների վրա «մեծացածներ» են, որոնք սովոր չեն ինքնուրույն աշխատանքի:
Մի խոսքով, այսօր բավական թեժ մթնոլորտ է սպասվում ԱՏՁՄ համագումարում. ընդդիմացող մեծամասնությունը մեր տեղեկություններով փորձելու է ընտրությունների միջոցով հասնել այնպիսի գործադիր մարմնի ձևավորման, որ հնարավոր լինի միությանը վերադարձնել համակարգաստեղծ կառույցի համբավը, ինչպես ժամանակին էր:
Մանրամասները՝ «Փաստ» օրաթերթի այսօրվա համարում
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ