Կարո՞ղ է Հայաստանը դառնալ արհեստական բանականության ոլորտի նորարարությունների առաջատար. «Փաստ»
«Փաստ» օրաթերթը գրում է.
Օրերս Երևանում բավական ուշագրավ մի իրադարձություն տեղի ունեցավ. կայացավ Հայաստանի ամենամեծ արհեստական բանականության համաժողովը՝ AI Conf Armenia-ն, որը մեկ հարկի տակ էր համախմբել արհեստական բանականության ոլորտի մասնագետներին, տելեկոմ և ֆինանսաբանկային ոլորտների ներկայացուցիչներին։ Համաժողովի նպատակն է ստեղծել ոգեշնչող միջավայր, որը կխթանի նորարարությանը, կրթությանը և մտքերի փոխանակմանը։ AI Conf Armenia-ն, որը մեկնարկել է 2022 թվականին, նպատակ ունի ստեղծել ոգեշնչող միջավայր, որը խթանում է նորարարությունը, կրթությունը և մտքերի փոխանակումը` ամրապնդելով Հայաստանի դիրքը որպես AI նորարարությունների առաջատար:
Նման միջոցառումների նշանակությունը դժվար է գերագնահատել, ուստի կարևոր է նաև այն հանգամանքը, թե որ կառույցներն են այս նախաձեռնության կողքին: Նախ՝ նշենք, որ համաժողովը տեղի է ունեցել Team Telecom Armenia-ի աջակցությամբ: Վերջինիս գլխավոր տնօրեն Հայկ Եսայանը համաժողովի ժամանակ նշեց, որ ընկերությունը կարևոր ներդրումներ է անում, որոնք սպասարկելու են AI տեխնոլոգիաներին և նպաստելու են դրանց օգտագործման ծավալների մեծացմանը: «Կառուցելով պրոդուկտը արհեստական բանականության միջոցով» պանելային քննարկման ընթացքում Team Telecom Armenia-ի պրոդուկտների և վիճակագրության բաժնի ղեկավար Վասիլի Պիսարևը ներկայացրեց, թե ինչպես են ընկերությունում AI-ը օգտագործում նոր պրոդուկտներ մշակելու և մարքեթինգային արշավներ իրականացնելու համար։
Համաժողովի գործընկերն է Ակբա բանկը: Krisp ընկերության կազմակերպած համաժողովի խոսնակներից էր Ակբա բանկի արհեստական բանականության և մեքենայական ուսուցման մասնագետ Մհեր Մովսիսյանը, ով ներկայացրեց մեքենայական ուսուցմամբ և արհեստական ինտելեկտի կիրառմամբ տարբեր խնդիրների լուծումը բանկում։ Ի դեպ, շուտով Ակբա բանկի հաճախորդներին հասանելի կլինի նաև արհեստական բանականությամբ ինտեգրված ձայնային օգնականը՝ հաճախորդներին ավելի արագ արձագանքելու համար: Համաժողովի ընթացքում քննարկվեցին AI նորագույն միտումները և դրանց ազդեցությունը տարբեր ոլորտների վրա, ինչպես նաև Հայաստանում իրականացվող AI նախագծերն ու հետազոտությունները։ Ելույթներ ունեցան ոլորտի առաջատար փորձագետներ, կիրառական հետազոտողների կողմից անցկացվեցին սեմինարներ, գործնական դասընթացներ, պանելային քննարկումներ:
Մանրամասները՝ «Փաստ» օրաթերթի այսօրվա համարում
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Երբ ջնջվում է... ոգին. «Փաստ»
Քաղաքական «մարտեր առանց կանոնների». «Փաստ»