«Թոռս ասում է՝ այս ի՞նչ ընտանիք է, վերջը մենք ընտանիքով հաց ուտելո՞ւ ենք, թե՞ չէ». Դավիթ Հակոբյան
«Շատ ուրախանում եմ, երբ թոռս ասում է՝ «լավ, էս ի՞նչ ընտանիք է, վերջը մենք ընտանիքով հաց ուտելո՞ւ ենք իրար հետ, թե՞ չէ»: Ես, երբ տուն եմ մտնում, ասում եմ՝ «Հայկո, հավաքի՛ր բոլորին, ընտանիքով հաց ենք ուտում»: Ասում են՝ «պապ, ես նոր կերա, պապ, ես դաս եմ անում...»: Հարցնում եմ՝ հայրդ ու՞ր է՝ դեռ չի եկել, մայրդ ո՞ւր է՝ ներկայացման է... Երբեք չի ստացվում ընտանիքով հավաքվել հացի սեղանի շուրջ»,- Deep Parenting փոդքասթի շրջանակներում պատմել է դերասան, բեմադրիչ Դավիթ Հակոբյանը:
Tert.am Life-ն առանձնացրել է հաղորդումից հատվածներ:
«Թոռներիս ամեն օր սովորեցնում եմ, որ հարմարվել եղածի հետ չի կարելի: Սա ամենակարևորն է, որ ուզում եմ նրանց փոխանցել: Երբեք անհնար չէ, պարզապես պետք է շատ լավ ուզել: Լավ ուզելու մեջ կարողանալ կա: Խնդիրը քեզ համոզելն է, որ դու ունակ ես դա անել:
Ուսանողներիս հաճախ ասում եմ, եթե փորձ է, ռեկտորը ներս մտնի, հյուր մտնի, ով ուզում է թող մտնի, երբեք չեք ընդհատում փորձը, բայց հանկարծ, նստած լինեք ու մտնի, մեկդ ոտքի չկանգնեք, ձեռքիցս չեք պրծնի: Ձևը այս աշխարհում ամենակարևոր բանն է: Ձևը հանիր բովանդակությունից, տեսանելի չի լինի: Ում է պետք իմ բովանդակալից մտքերը, եթե ես այդ մտքերը փոխանցելու ձևին չեմ տիրապետում: Ոչ մեկին դա հետաքրքիր չէ: Իսկ ձևը գտնում է նա, ով ունի բովանդակություն»,- ասել է Դավիթ Հակոբյանը:
2028-ից կենսաթոշակները կինդենքսավորենք այնպես, որ այն այլևս նվազագույն սպառողական զամբյուղից ցածր չի...
Ի՞նչ է խնդրել Ռոբերտ Քոչարյանը Պուտինին. «Հրապարակ»
500 դրամ արժեքով մետաղադրամները շարունակում են մնալ շրջանառության մեջ. ԿԲ
Հանրապետության հրապարակում այրեցին Թուրքիայի դրոշը. երթը մեկնարկեց (ուղիղ)
Թիվ 8 երթուղու վարորդին դանակահարած ուղևորը եղել է ոչ սթափ վիճակում
Ինչ է հորդորել Աննա Հակոբյանը մտերիմներին․ «Իրավունք»
Եվրամիությունը փողերը չի տալիս․ «Հրապարակ»
Աղերսում եմ կարգալուծ անել Անուշավան եպիսկոպոսին. նա ապստամբ պառակտիչ է. Սամվել դպիր Գրիգորյան
Արտաքին հետախուզական ծառայության պետի տեղակալի կինը ՔՊ ցուցակում. «Ժողովուրդ»
«Հրապարակ»․ Պարգևատրվում են բռնարարները