Գ.Ծառուկյանի հայտարարությունը ներքաղաքական դաշտի կայութնությանն ու բալանսավորմանն էր ուղղված՝ ամուր թիկունք ստեղծելու գործուն քայլ էր
Հասմիկ Վարդանյանը ֆեյսբուքյան իր էջում գրում է
Պատերազմական այս բարդ իրավիճակում ցանկացած մոտիվացիա, ցանկացած նոր ուժ և օգնություն անչափ կարևոր է: Հասկանալի է նաև, որ թշնամին չի ցանկանում դեռևս հանձնվել և մեզ պետք է նախապատրաստվել երկարատև պատերազմի, գոնե այս փուլում: Այս ամենի ֆոնին չափազանց կարևոր հանգամանք էր խորհրդարանական ամենամեծ ընդդիմադիր խմբակցության ղեկավար Գագիկ Ծառուկյանի կալանքից ազատ արձակելու փաստը:
ԲՀԿ ղեկավարը կոնկրետ, առանց տողատակերի ու նախապայմանների հայտարարեց, որ ստեղծված իրավիճակում, մի կողմ դնելով քաղաքական տարաձայնությունները, միասնական է հարկավոր լինել: Սա ներքաղաքական դաշտում կայունության և բալանսավորման ամենագործուն քայլն էր, ինչը ամուր թիկունք ունենալու ամենաառաջնային նախապայմաններից է:
Հաշվի առնելով նաև, որ Ծառուկյանն անձամբ է ղեկավարելու և գլխավորելու կամավորականների ջոկատը, պետք է նշենք, որ այդ դեպքում թե զինվորագրվողների թիվը կավելանա, թե մարդկանց հավատը դեպի հաղթական ավարտ: Այսինքն բարոյահոգեբանական վիճակի բարձրացման լավագույն միջոցն առաջնորդին կողքիդ կանգնած տեսնելն է: Մի կողմ ենք դնում ԲՀԿ ղեկավարի և նրա թիմակիցների նյութական աջակցության մասը, դրա մասին կխոսենք հետագայում, եթե կարիքը լինի, բոլորն էլ գիտեն Ծառուկյանի հայրենասիրական ձիրքն ու թե ինչի է նա պատրաստ հանուն ազգի ու պետության, դա ընթացքում կզգանք, բայց ուզում եմ նայել բոլոր այն չարախոսների, այն դատարկախոսների աչքերին, ովքեր պնդում էին, թե Ծառուկյանը մեկուսարանում էլ կարող է օգնել: Հիմա հասկացաք, որ մարդն իր հնարավորությունների ու կարողություների 100 տոկոսանոց պոտենցյալը միայն ազատ գործելու դեպքում կարող է ռեալիզացնել: Ինչևէ, հիմա այդ ամենի ժամանակը չի, ինչպես Գագիկ Ծառուկյանն ասեց՝ «բոլոր տարակարծություններն ու անհամաձայնությունները մի կողմ դնելու և Արցախ-Հայաստան-Սփյուռք մեկ բռունցք դարձած պայքարը շարունակելու ժամանակն է»: Մենք հաղթելու ենք, թող ոչ մեկ չկասկածի...