Մենք պետություն ենք կորցնում, չպետք է դա թույլ տալ. Արշակ Կարապետյան

Հայաստանի քաղաքական դաշտի տևական ապականման պայմաններում ողջամիտ ու փաստարկված խոսքը հաճախ բարդ է ճանապարհ հարթում դեպի հանրային գիտակցություն, թեև հենց դա է միակ ուղին՝ Հայաստանի վերափոխման ու վերածննդի։

Պաշտպանության նախկին նախարար, գեներալ-մայոր, «Համահայկական ճակատ» շարժման առաջնորդ Արշակ Կարապետյանի ծավալուն հարցազրույցը Ռուսաստանում գործող «Նոյան Տապան» թերթին (газета "Ноев Ковчег"), հենց այդ շարքից կարելի է համարել, միաժամանակ փաստել, որ այն զգալի ազդակ է դարձել, նաև մտորելու առիթ տվել հանրային լայն շրջանակներին։

«Համահայկական ճակատ» շարժման առաջնորդ Արշակ Կարապետյանը, որը հոկտեմբերին ցնցեց քաղաքական դաշտը իր տեսաուղերձով, անդրադառնում է օրախնդիր տարատեսակ հարցերի, ներկայացնում իր մոտեցումները հայկական բանակի, Հայաստանի աշխարհաքաղաքական տեղաշարժերի, Ադրբեջանի ու Թուրքիայի հետ հարաբերությունների, Ռուսաստանի հետ հարաբերությունները վերականգնելու և առավել զարգացնելու ուղղությամբ։ Իր խոսքում Արշակ Կարապետյանը նշում է, որ դեռ 2018 թվականի մայիսին Նիկոլ Փաշինյանին վկաների ներկայությամբ ասել է0, որ նա չպետք է դառնա ՀՀ վարչապետ, հակառակ պայմաններում աղետն անխուսափելի է։ Ըստ Կարապետյանի, ինքն այլ կերպ էր տեսնում Հայաստանի ազգային անվտանգությունը` պաշտպանվելու, ում հետ ընկերություն անելու ուղիները։

Այսօրյա իրողությունների մեջ առանցքային հարցերից մեկն Ադրբեջանի նոր մարտահրավերներին դիմագրավելու կարողությունն է։ «Հայաստանի պատրաստ լինելը կախված է երկրի ռազմաքաղաքական ղեկավարության վարած քաղաքականությունից, ըստ որի պետք է կառուցվի այդ դիմադրությունը։ Իսկ հիմա եկեք նայեք Հայաստանի Հանրապետության ներկայիս ռազմաքաղաքական ղեկավարության վարած քաղաքականությունը և համեմատենք նրանց և Թուրքիայի փորձը, կրթությունը մեր ղեկավարության փորձի ու գիտելիքի հետ ազգային անվտանգության և պաշտպանության ոլորտում։ Եվ հարց տանք, արդյո՞ք կարող է մեր ղեկավարությունը որևէ կերպ հաղթել այդ գայլերին, այսպես ասած` գրոսմայստերներին։ Կրթված մարդկանց, ովքեր կառուցում են իրենց քաղաքականությունը, ունեն ուժ, և գիտեն թե ինչ է ռեգիոնալ քաղաքականությունը»,- ասում է պաշտպանության նախկին նախարարը՝ պատկերավոր համեմատելով ՀՀ իշխանություններին Ադրբեջանի և Թուրքիայի իշխանությունների հետ. «Նույն բանն է, երբ բակի ֆուտբոլային թիմը պատրաստվի խաղալ Բրազիլիայի հավաքականի դեմ, ունի՞ բակի թիմը գոնե մեկ գնդակ խփելու հնարավորություն, Ես կարծում եմ, քիչ հավանական է»։

Արշակ Կարապետյանը նշում է, որ Հայաստանի գործող իշխանություններն այսօր չեն զբաղվում Արցախով, հրաժարվել են մեր հայրենիքի մի մասից, մինչդեռ հենց քաղաքական առումով Արցախի հետ կապված հարցը միակն էր, որի շուրջ կարծիք էին հարցնում Հայաստանից։ Մնացել է մեկ հարց՝ Հայաստանի տարածքում ռուսական ռազմաբազայի առկայությունն ու ՀԱՊԿ անդամակցությունը. «Հենց ռուսական ռազմաբազան դուրս գա այստեղից Հայաստանը չի հետաքրքրի ոչ մեկին»։

Արտաքին քաղաքական վեկտորի փոփոխությունը, ՀԱՊԿ դեմ դեմարշները, ըստ Կարապետյանի, չափազանց վտանգավոր խաղեր են, որտեղ Հայաստանը խաղացող չէ. «Հայաստանի ղեկավարությունը դրվել է հեռակառավարվող վահանակի վրա, ղեկավարողը նստած է Ամերիկայի դեսպանատանը»։

Ո՞րն է Հայաստանի փրկության ուղին, ըստ «Համահայկական ճակատ» շարժման առաջնորդ Արշակ Կարապետյանի։ «Մենք պետություն ենք կորցնում, հաջորդ հնարավորություն չի լինելու երբեք, չպետք է դա թույլ տալ։ Դա մեր հիմնական ու միակ նպատակն է, իսկ այնտեղ արդեն կան խնդիրներ, որոնցից առաջինը ներքին թշնամուց ազատվելն է՝ ի դեմս մեր ներկայիս ռազմաքաղաքական ղեկավարության։ Ընդ որում, ազատվել ոչ միայն ղեկավարող կուսակցությունից, այլև նորմալ պետություն կառուցել»,- նշում է գեներալ-մայորը, որպես ուղիներից մեկը մատնանշելով կեղծված Սահմանադրության փոփոխումը, նախագահական կառավարման մոդելին վերադարձը։ Այդ ճանապարհին կարևոր է հանրության համախմբումը, բոլոր կարող ուժերի, իրական ընդդիմադիրների միասնականությունը, գաղափարական տարաձայնությունները մի կողմ դնելը:

Մինչդեռ՝ այսօր քաղաքական լուրջ հայտ ներկայացրած Արշակ Կարապետյանին ավելի շատ հարվածում են խորհրդարանական ընդդիմադիր խմբակցությունները։ «Իշխանությունը Հայաստանում դա Ազգային ժողովն է, նրանք նույնպես պատասխանատվություն են կրում Արցախի կորստի համար։ Ոչ միայն իշխող խմբակցությունը, այլև ընդդիմությունն է կրում պատասխանատվություն՝ իր թույլ չտալու անկարողության համար։ Խնդիրը հենց դրանում է կայանում և իշխող խմբակցությունն օգտվում է դրանից։ Ընդդիմությունն արտաքին վեկտորի փոփոխության հարցում անգամ չեն կարող ազդեցություն ունենալ և այս ընդդիմությունը ձեռնտու է իշխանություններին»,- ասում է Արշակ Կարապետյանը։

Նրա խոսքով, այսօր անգամ Ադրբեջանին է կենսականորեն անհրաժեշտ, որ Ռուսաստանը լինի տարածաշրջանում, իսկ «Զանգեզուրի միջանցքի» ստեղծումը վտանգում է նաև Ադրբեջանի գոյությունը, «Հայաստանը, որն այսօր բուֆեր է հանդիսանում, որը սահմանափակում է Թուրքիայի ամբողջական ազդեցությունն Ադրբեջանի նկատմամբ, այդ բուֆերը կդադարի գոյություն ունենալ և այստեղ արդեն Ադրբեջանը որպես ինքնավար պետություն դժվար թե լինի»։

Հայկ Առաքելյան

«ԶՊՄԿ» ՓԲԸ կայուն զարգացման գծով տնօրեն Արմեն Ստեփանյանը հյուրընկալել էր Կապանի քիքբոքսինգի «Սյունիք» ակումբի սաներին Ադրբեջանի ԶՈՒ ստորաբաժանումները կրակ են բացել Վերին Շորժայի հատվածում տեղակայված հայկական դիրքերի ուղղությամբ․ ՊՆ Լեհաստանում ակտիվիստները գոմաղբ են թափել ՌԴ դեսպանի վիլլայի դիմաց ՀԱՊԿ ԽՎ-ից միայն ՀՀ ներկայացուցիչները որպես դիտորդ ներկա չեն Բելառուսի ընտրություններին Ադրբեջանի ԶՈւ հատուկ նշանակության ջոկատները հերթական զորավարժություններն են անցկացրել «Հաղթելու ենք»․ Զելենսկին տեսաուղերձ է հրապարակել Մահացել է երգիչ Համլետ Գևորգյանի հայրը Իրանի Հորմոզգան նահանգում 4,8 մագնիտուդով երկրաշարժ է տեղի ունեցել Արևմտյան առաջնորդները ժամանել են Կիև Ուկրաինայի անդամակցությունը ՆԱՏՕ-ին ոչ թե «եթե»-ի, այլ «երբ»-ի հարց է. Ստոլտենբերգ Ֆերմերները ներխուժել են Փարիզի գյուղատնտեսական տոնավաճառ՝ պահանջելով Մակրոնի հրաժարականը Արտակարգ իրավիճակ՝ Երևանում. «Փակ շուկայի» դիմացի գետնանցումը ողողվել է ջրով Փաշինյանը գնում է բաց առճակատման Ռուսաստանի հետ Ադրբեջանը պատրաստվում է նոր պատերազմի՝ Փաշինյանի նվնվոցի տակ ԱԱԾ-ն հերքում է Անվտանգության խորհրդի քարտուղարին Էկոնոմիկայի նախարարի թեկնածու դեռ չունեն Դիարբեքիրի նավթահորում հզոր պայթյուն է տեղի ունեցել Առանձին շրջաններում սպասվում են տեղումներ և մառախուղ, լեռնային շրջաններում՝ ձյուն Չինաստանի տեղակայված արևային հզորությունը 2023 թվականին աճել է 55,2 %-ով Հայերի մեծամասնությունը չի աջակցում Փաշինյանի նման քաղաքականությանը. հարաբերությունները դեռ հնարավո՞ր է փրկել. «Փաստ»
website by Sargssyan