Ո՞ւմ է իր հետ Ռոմանոս Պետրոսյանը տանելու ՀԷՑ.MediaHub
Ռոմանոս Պետրոսյանի ֆենոմենը Կոտայքի մարզում բոլորի համար մշտապես եղել է քննարկման առարկա: Իհարկե, Պետրոսյանը միակը չէ, որ այսպես կոչված «թավշյա հեղափոխությունից» հետո կարիերայում նման բարձունքների հասավ ու շարունակում է դեռ իր թռիչքը: Կոտայքի մարզպետ, Շրջակա միջավայրի նախարար, Պետական վերահսկողական ծառայության ղեկավար. ասում են՝ սա դեռ ամենը չէ, և հիմա Փաշինյանը նրան որոշել է շատ յուղոտ պաշտոնի տանել:
Խոսքը ՀԷՑ-ի մասին է: Բոլորս հիշում ենք, թե ինչ արագացված տեմպերով իշխանությունը ՀԷՑ-ը խլելու օպերացիա գծագրեց ու իրականացրեց՝ Սամվել Կարապետյանին երկու ամսով կալանքի ուղարկելուն զուգահեռ: MediaHub-ի աղբյուրները պնդում են՝ ՀԷՑ կառավարիչ է նշանակվելու ՊՎԾ ղեկավար, հայտնի մականունը կրող Ռոմանոս Պետրոսյանը: Վերջինս, ճիշտ է, հրաժարվում է մեկնաբանել այս հարցը և խուսափում լրագրողներից, սակայն, ըստ մեր աղբյուրի, հարցը գրեթե որոշված է:
Ավելին. մեզ հայտնի դարձավ, որ Ռոմանոս Պետրոսյանն անգամ որոշել է, թե ով է լինելու իր տեղակալը: Խոսքը Չարենցավան համայնքի Արզական գյուղի վարչական ղեկավար Լիպարիտ Մարգարյանի մասին է, որը Պետրոսյանի պրոտեժեն է համարվում և Պետրոսյանը մի քանի ամիս է ջանում է վերջինիս այլ պաշտոնի տեղափոխել, քանի որ Արզականում երիտասարդ գյուղապետը ինչ-որ սկանդալային պատմության մեջ է ընկել և համագյուղացիների հետ այժմ բավականին լարված հարաբերությունների մեջ է: Եվ ահա, Ռոմանոս Պետրոսյանը ՀԷՑ կառավարիչ նշանակվելուց հետո (եթե Փաշինյանը չփոշմանի), իր հետ այնտեղ կտանի նաև Լիպարիտին:
Մեր զրուցակիցը նշեց, որ գյուղում բոլորը խոսում են այն մասին, որ Ռոմանոս Պետրոսյանը նաև մեծ հողատարածքներ է ձեռք բերել գյուղի հատվածում և պատրաստվում է այդտեղ տնակային մեծ շինարարություն իրականացնել՝ բիզնես շահ հետապնդելով:
Ի դեպ նշենք, որ գործընթացի դեռ մեկնարկին Ռոմանոս Պետրոսյանը չէր բացառել, որ ՀԷՑ–ը պետականացնելուց հետո կտրվի մասնավորին:
«Ոչինչ չեմ բացառում, ոչինչ որոշված չէ։ Պետությունը կարող է ինքը կառավարել, կամ պետական մասնաբաժին պահի կամ մասնավորի հանձնի»,- ասել էր նա։
Այս փուլում, փոխանցում են MediaHub-ի աղբյուրները, Փաշինյանը որոշել է դեռ չշտապել մասնավորին տալու հարցում, և մոտակա ժամանակներս կառավարչի հարցը կլուծվի: Ու թեև Պետրոսյանը երկու օր առաջ հրաժարվել էր մեկնաբանել այն հարցը, որ հենց իրեն են դիտարկում վերջին գործընթացներով պայմանավորված այս անփառունակ պաշտոնին, մեր աղբյուրը նշեց՝ այլ թեկնածու Նիկոլն այս պահին չի քննարկում:
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ