Ինչո՞ւ է նյարդայնանում Նիկոլ Փաշինյանը. «Փաստ»

«Փաստ» օրաթերթը գրում է.

lentv24.ru-ն «Փաշինյանի նյարդերը. ո՞ւմ և ինչի՞ համար է Հայաստանում պետք «հինգերորդ շարասյուն»» վերնագրով հոդվածում գրում է, որ Հայաստանում հետաքրքիր զարգացումներ են: Նիկոլ Փաշինյանը կրկին սկսել է խոսել «հինգերորդ շարասյան» մասին։ Դա նախկինում արդեն եղել է: Ըստ Փաշինյանի նախկինում հնչեցրած խոսքի, 2020 թվականին հայկական բանակի «հինգերորդ շարասյունն» էր մեղավոր Ղարաբաղյան պատերազմում պարտվելու համար։ Եվ հիմա՝ երեք տարի անց, «հինգերորդ շարասյունը» կրկին հայտնվել է Նիկոլ Փաշինյանի գլխում։ Նա անգամ կոչ է արել Հայաստանի անվտանգության խորհրդին՝ պայքարել դրա դեմ։ Ամեն դեպքում, այսպես է պնդում սովորաբար քաջատեղյակ «Երևանյան դիտորդ» Տելեգրամալիքը։

«Նիկոլ Փաշինյանը խնդիր է դրել համակողմանի պայքար մղել «հինգերորդ շարասյան» դեմ: Նա երկրում վաղուց ուշացած բարեփոխումները փոխարինում է դեմագոգիայով և ապակողմնորոշում քաղաքացիներին»,գրել է Տելեգրամ-ալիքը,- հաշվի առնելով Հայաստանի քաղաքական վեկտորի անորոշությունը՝ դժվար է ասել, թե այժմ ով կնշանակվի «հինգերորդ շարասյուն»։ Բայց ակնհայտորեն խոսքը սահմանադրական բարեփոխումների հակառակորդների մասին է»։ Այո, հավանաբար, շատ հնարավոր է, որ Սահմանադրության պատճառով է Հայաստանի վարչապետը նյարդայնանում։ Որովհետև դեռ փետրվարի 1-ին Ադրբեջանի նախագահը կոշտ հայտարարություն արեց, որ Բաքվի և Երևանի միջև խաղաղության պայմանագիր կարող է կնքվել միայն Հայաստանի Սահմանադրության մեջ փոփոխություններ կատարելուց հետո։ Իսկ Հայաստանի գործող սահմանադրությունն իսկապես ունի նախաբան՝ Անկախության հռչակագրին հղումով, որտեղ նշվում է Լեռնային Ղարաբաղը։ Եվ դա խնդիր է։

Ի վերջո, երկրի հիմնարար օրենքի փոփոխությունները որոշվում են միայն հանրաքվեով։ Իսկ դա ոչ միայն նվաստացման նոր չափաբաժին է ողջ ժողովրդի համար, այլ նաև մեծ վտանգ, որ մարդիկ կարող են զանգվածաբար թքած ունենալ ամեն ինչի վրա և «դեմ» քվեարկել։ Եվ Փաշինյանն ու նրա շրջապատը, ըստ ամենայնի, պետք է ինչ-որ կերպ համոզեն հայերին «կողմ» քվեարկել Սահմանադրության փոփոխությանը, քանի որ, ըստ ամենայնի, նրանց պետք է հիմնովին սասանել երկրի հիմքերը։ Չէ՞ որ հենց հիմա է, ինչպես պնդում է հանրապետության վարչապետը, «Հայաստանում պետականություն է ձևավորվում»։ Իսկ այդ նոր կազմավորման համար «անհրաժեշտ է վերանայել Հայաստանի պետականության հիմքում ընկած բոլոր բանաձևերը»։

Հայաստանում ոմանք, սակայն, կարծում են, որ Նիկոլ Փաշինյանն իր՝ նոր Սահմանադրության գաղափարով հայերին առաջարկում է «ոչ թե Չորրորդ հանրապետության ձևավորում, այլ Երրորդ հանրապետության լուծարում»։ Եվ դա շատերի կողմից ընկալվում է, որ Նիկոլ Փաշինյանը պարզապես ցանկանում է մաքրել այն ամենը, ինչը խանգարում է իր անձնական, անվերապահ իշխանությանը։ Դե ինչ, այդպես էլ կարող է լինել։ Սակայն ամեն ինչ կարող է ավելի պարզ լինել: Նիկոլ Փաշինյանին շտապեցնում են նրանք, ովքեր իրականում Հայաստանի համար «պետականության», «անվտանգության» և «տարածաշրջանային հարաբերությունների» նոր հիմքեր են սահմանում։ Շատ հնարավոր է՝ որոշ ժամանակ անց Հայաստանն ինքը դադարի ճանաչել իրեն։

Մանրամասները՝ «Փաստ» օրաթերթի այսօրվա համարում

Դանակը ոսկորին է հասել, Փաշինյանը երկիրը մորթում է, ուժեղ դիմադրություն ենք ցույց տալու Ռուբլին էժանացել է․ փոխարժեքն՝ այսօր Հնարավոր են հաճելի անակնկալներ, նվերներ. փետրվարի 23-ի աստղագուշակ Օդի ջերմաստիճանն կնվազի 4-6 աստիճանով. ձյուն կտեղա՞ Տարադրամի փոխարժեքներն այսօր Ռուբեն Վարդանյանի նման մարդը, ով հսկայական գործեր է արել իր հայրենիքի համար՝ մինչև հիմա Բաքվի բանտում է․ Դավիթ Մանուկյան Ամերիաբանկի և BOGG-ի հաջող գործարքը կարող է էժան փողեր ու ներդրումներ բերել Հայաստան․ փորձագետ Օրերս լրացավ «ԱՊՐԵԼՈՒ» բարեգործական հիմնադրամի ստեղծման երկու տարին. Մարատ Գերասիմյան Կրթական ուղևորությունը դեպի ԱՄԷ հայ պատանի երաժիշտների համար ունեցավ մեծ հաջողություն Մյունխենում շահեցին բոլորը, բացի Հայաստանից. Մենուա Սողոմոնյան Արցախի իշխանությունների դեմ բռնաճնշումները գնալով ավելի են ուժգնանում ՌԴ անխոհեմ քայլը կարող է կրկին սրել հայ-ռուսական հարաբերությունները ԵՄ-ն և Հայաստանի իշխանությունները նոր հակառուսական նարատիվ են հորինել Նիկոլ Փաշինյանը մեկնել է Փարիզ՝ լեգիտիմացնելու ադրբեջանական սադրանքները Կասկածելի զանգվածներ՝ ձիթապտուղներում․ հանձնուք բերած քաղաքացին ձերբակալվել է Հրթիռային հարվածից հետո Եմենի ափերի մոտ նավ է բռնկվել ԶՊՄԿ-ի հերթական աջակցությունը արցախցիներին (տեսանյութ) Սպասվում է Էրդողանի և Զելենսկու հանդիպումը Միսաք եւ Մելինե Մանուշյանները ամփոփվում են Պանթեոնում՝ որպես հայ և ֆրանսիացի ժողովուրդների բարեկամության խորհրդանիշ Պեսկովը մեկնաբանել է Պուտինի հասցեին Բայդենի վիրավորանքները
website by Sargssyan