Հայաստանի գործող իշխանությունները սերունդների կողմից իրենց գնահատականը ստանալու են․ Արշակ Կարապետյան

Արցախի ռազմաքաղաքական էլիտան շարունակում է գտնվել Բաքվի բանտերում, իսկ Հայաստանի գործող իշխանությունները՝ Նիկոլ Փաշինյանի գլխավորությամբ, տևական ժամանակ ոչինչ չեն ձեռնարկում նրանց հայրենիք վերադարձնելու, այդ մարդկանց խոշտանգումներից փրկելու համար։ Առաջին հերթին, Արցախի ռազմաքաղաքական ղեկավարության գերեվարումը խայտառակություն է Հայաստանի համար, հայ ժողովրդի համար։

«Համահայկական ճակատ» շարժման առաջնորդ, պաշտպանության նախկին նախարար Արշակ Կարապետյանը նշում է, թե անձամբ ճանաչում է նախկին նախագահներին, գեներալներին, չի կարող ասել, թե բոլորի հետ անձնական լավ հարաբերություններ ունի, սակայն նրանց գերեվարումն ազգային խայտառակություն է համարում։

Պաշտպանության նախկին նախարարը կարծում է, ոչ բոլորն են իրենց ստեղծված իրավիճակում պարտված համարում։ Տարբեր երկրներում, հայկական համայնքներում շատերը կան, որ փորձում են հարցեր քննարկել, պայքարում են։ Կարապետյանը հավատացնում է, գործող իշխանությունները սերունդների կողմից իրենց գնահատականը ստանալու են։ «Մեր թոռներն ու ծոռներն ասելու են՝ այ էս ղեկավարի ժամանակ Հայաստանը եղավ այս վիճակում։ Ինչ ուզում են գրեն թղթերի վրա, ինչ օրենքներ ուզում են մտցնեն, ինչ ուզում են անեն, պատմությունը իրենց էն ամոթի, խայտառակ նկարները խփած է լինելու ապագա սերունդների պատմության գրքի մեջ»,- նշել է «Համահայկական ճակատ» շարժման առաջնորդ, Արշակ Կարապետյանը։

Հարցին, թե ինչպես է լինելու Արցախի ճակատագիրը, Արշակ Կարապետյանը նշել է, թե մեզնից է կախված, մեր ունակությունները, մեր ցանկությունները հասցնել այն բուրգերին, որոնք կարող են մեզ աջակցել։

Միևնույն ժամանակ, «Համահայկական ճակատ» շարժման առաջնորդը չի կարծում, թե Արցախն անվերադարձ կորսվել է։ «Մենք պետք է պաշտպանվենք, պատրաստվենք համազգային պաշտպանության, հակառակ դեպքում ոչինչ չենք ունենալու։ Կարող է գալ մի օր, որ մեր երկրի այսօրվա ղեկավարները հերթ կկանգնեն ադրբեջանական անձնագրեր ստանալու համար։ Դա էլ իրենց համար լավագույն դեպքում։ Բայց ես հաստատ եմ ասում, դուրս ենք գալու այս վիճակից, պետությունը մերն է լինելու»,- նշել է նա։

10 տարի առաջ այս օրը ՀՀ վարչապետ նշանակվեց Հովիկ Աբրահամյանը. ինչո՞վ է աչքի ընկել նրա պաշտոնավարումը Բոլորը կարող են գնել. նոր տեխնոլոգիան արևային մարտկոցները կդարձնի ավելի հզոր և 70%-ով ավելի էժան Արևմուտքը հրապարակեց «արևմտամետների» գինը ՀՀՄ-ն Գյումրիում գրասենյակ բացեց ԱԹՍ-ների հարձակում ՌԴ Բելգորոդի մարզում․ կա տուժած Կուրիլյան կղզիներում արթնացել է Էբեկո հրաբուխը Կուրիլյան կղզիներում արթնացել է Էբեկո հրաբուխը Freedom House-ը արձանագրում է Հայաստանի ձախողումները Սոչիի բնակիչներին նախազգուշացրել են վերահաս վտանգի սպառնալիքի մասին Վանաձորում կարիճը 16-ամյա աղջկա է խայթել. մանրամասներ Գյուղատնտեսությունն անկում է ապրել ոչ թե 0,6 տոկոսով, այլ՝ շատ ավելի. Նաիրի Սարգսյան. 1or.am Ինչպե՞ս հարվածել սեփական երկրի վարկանիշին. ԱԱԾ-ի ծառայողական քննությունը Հայաստան իմ առաջիկա այցի ընթացքում կընդունենք մի շարք նոր փաստաթղթեր. Տոկաև Պատմական հայրենիքից հրաժարվելու իրավունք չունենք. Արամ Պետրոսյան Հերացու անվան 1-ին համալսարանական հիվանդանոցի մոտ բախվել են «Kia»-ն ու «Opel»-ը. կան վիրավորներ ԱՄՆ-ն և Մեծ Բրիտանիան արգելել են ալյումինի, պղնձի և նիկելի ներկրումը ՌԴ-ից Վարչախմբի ձախողումները կյանքեր են արժենում Հայտնի վարժեցնող Յուրի Կուկլաչովը սրտամկանի սուր ինֆարկտով հոսպիտալացվել է Միրզոյանի չմեկնելը հերթական հակահայկական քայլի պատճառ է դարձել Արշակ Կարապետյանի առաջարկը սպառնում է խախտել գործող իշխանությունների անդորրը
website by Sargssyan