Նոր առևտրային պատերազմ. Թրամփը Չինաստանի, Մեքսիկայի և Կանադայի նկատմամբ նոր մաքսատուրքեր է սահմանելու
ԱՄՆ նորընտիր նախագահ Դոնալդ Թրամփը հայտարարել է, որ ղեկավարման օրոք Չինաստանի, Մեքսիկայի և Կանադայի նկատմամբ նոր մաքսատուրքեր է սահմանելու` փորձելով պայքարել դեպի ԱՄՆ ապօրինի ներգաղթի և թմրանյութերի ներկրման դեմ: Այս մասին գրում է BBC-ն:
ԱՄՆ նորընտիր նախագահն ասել է, որ 2025 թվականի հունվարի 20-ին երդմնակալությունից հետո կստորագրի գործադիր հրաման՝ Մեքսիկայից և Կանադայից եկող բոլոր ապրանքների համար 25% մաքսատուրք սահմանելու մասին: Մինչդեռ Չինաստանի համար կսահմանվի հավելյալ 10% մաքսատուրք:
«Մենք Չինաստանից կգանձենք հավելյալ 10% մաքսատուրք, քանի դեռ նա չի պայքարում ֆենտանիլի մաքսանենգության դեմ», - ասել է Թրամփը:
Աղբյուրը նկատում է, որ նման զարգացումը կարող է նշանավորել ԱՄՆ երեք հիմնական առևտրային գործընկերների հետ լարվածության լուրջ սրացում: Դա կարող է հանգեցնել նաև հենց ԱՄՆ-ում գների բարձրացման, քանի որ մաքսատուրքերը գործում են որպես ներմուծման հարկի ձև:
ԱՄՆ-ն աշխարհի խոշորագույն ներմուծողն է։ Պաշտոնական տվյալների համաձայն՝ Չինաստանին, Մեքսիկային և Կանադային բաժին է ընկնում տարեկան 3,2 տրիլիոն դոլարի ներկրված ապրանքների մոտ 40%-ը:
Չինաստանը պաշտպանել է անօրինական թմրամիջոցների հոսքը դադարեցնելու իր ջանքերը և զգուշացրել է, որ երկուսի միջև առևտրային պատերազմում հաղթող չի կարող լինել:
Թրամփը Պեկինին քննադատել է այն բանի համար, որ Չինաստանի իշխանությունները չեն կատարել ֆենտանիլով սինթետիկ ափիոնային թմրամիջոցի տարածմամբ զբաղվողներին մահապատժի ենթարկելու խոստումը:
Վաշինգտոնում Չինաստանի դեսպանատան խոսնակը BBC-ին ասել է, որ պնդումն առ այն, որ «Չինաստանը գիտակցաբար թույլ է տալիս ֆենտանիլի հոսքը Միացյալ Նահանգներ, լիովին հակասում է փաստերին և իրականությանը»:
«Չինաստանը կարծում է, որ Չինաստանի և ԱՄՆ-ի տնտեսական և առևտրային համագործակցությունը փոխշահավետ է իր բնույթով: Ոչ ոք չի հաղթի առևտրային կամ մաքսատուրքերի պատերազմում»,- հավելել է նա:
Գործող նախագահ Ջո Բայդենի վարչակազմը Պեկինին կոչ է արել ավելին անել ֆենտանիլի պատրաստման մեջ օգտագործվող բաղադրիչների արտադրությունը դադարեցնելու համար. Վաշինգտոնի գնահատմամբ՝ անցյալ տարի ֆենտանիլից մահացել է գրեթե 75,000 ամերիկացի:
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Կապանում ունենալու ենք վիեննական վալս. Սեւակ Ավանեսյան
Եթե շարունակենք ժողովրդին բաժանել սևերի ու սպիտակների, դրանից ոչինչ չենք շահի. Արեգ Սավգուլյան
Վարկային և քրեական համաներում՝ հանուն սոցիալական արդարության․ Հրայր Կամենդատյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Կան մարդիկ, որոնց հանդիպելուց հետո երկար ժամանակ չես կարողանում ազատվել այն ջերմությունից, որ թողնու...
Ու՞մ շահերից էր գործում Փաշինյանը փաստացի փչացնելով հարաբերությունները․ հարցում
Կուրթան. խնդիրներից դեպի լուծումներ․ Նարեկ Կարապետյան
Ինչո՞ւ է Բաքվի թիրախում հայտնված հայտնի գործարարը հալածվում իշխանությունների կողմից. «Փաստ»
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...