Քրիստինե Գրիգորյանի հիմնարկը տապալեց առաջին փորձությունը
Հայաստանի արտաքին հետախուզության ծառայությունը «ՀՀ 2025 թվականի արտաքին անվտանգության ռիսկերի վերաբերյալ» զեկույց է հրապարակել, որն արդեն արժանացել է մասնագետների բուռն քննադատությանը։ Ահռելի գումարներով ստեղծված և կարևոր նշանակություն ունեցող ծառայության զեկույցը, ըստ ոլորտի փորձագետների, ավելի շուտ մանկամիտ պատկերացումներով և իշխանական կեղծ նարատիվներով շարադրություն է, քան անվտանգային ռիսկեր կանխատեսող և կանխող գերատեսչության զեկույց։
Ծառայությունը հայտնել է, թե Ադրբեջանի կողմից Հայաստանի դեմ լայնամասշտաբ ռազմական հարձակման հավանականությունը բարձր չի գնահատում։ Այս կանխատեսումը, ինչպես նշված է զեկույցի նախաբանում, հիմնվում է 2023-2024 թվականների զարգացումների՝ գնահատականի վրա։ «Տարբեր փաստերի, տեղեկությունների ու երևույթների վերլուծության հիման վրա սույն զեկույցի հրապարակման պահի դրությամբ Ադրբեջանի կողմից Հայաստանի դեմ լայնամասշտաբ ռազմական հարձակման հավանականությունը բարձր չենք գնահատում», - նշում է կառույցը։
Տարեսկզբին Ադրբեջանի նախագահը Հայաստանն անվանել էր ֆաշիստական պետություն, մի շարք այլ հայտարարություններ արել, այդ թվում՝ չէր շրջանցել նաև այսպես կոչված «Արևմտյան Ադրբեջանի», «Զանգեզուրի» միջանցքի թեմաները: Նիկոլ Փաշինյանն էլ մոտ երեք տարի Ադրբեջանի հետ խաղաղության պայմանագրի շուրջ բանակցելուց հետո հայտարարել էր՝ Բաքուն փորձում է տարածաշրջանում էսկալացիայի «լեգիտիմություն» ձևավորել:
Քրիստինե Գրիգորյանի ղեկավարած Արտաքին հետախուզության ծառայությունն իր զեկույցում միաժամանակ նկատում է՝ «պայմանագրահենք խաղաղության և միջպետական հարաբերությունների բացակայության պայմաններում որպես Հայաստանի դեմ ուժի սպառնալիքի ադրբեջանական քաղաքականության գործիքակազմի մաս կշարունակի պահպանվել սահմանին տեղային լարվածությունների և էսկալացիայի առաջացման ռիսկը, որի որոշակի նվազեցման երաշխիք կարող է լինել սահմանազատման և սահմանագծման գործընթացի սահուն շարունակությունը»։
Առնվազն տարօրինակ է, որ նման ծառայությունը կարող է Ադրբեջանի պես երկրի հետ որևէ պայմանագիր անվտանգային ռիսկեր կանխող գործիք համարել՝ հաշվի առնելով պատմական փորձը։ Ըստ էության, գործ ունենք մի իրավիճակի հետ, երբ այս ծառայությունը պարզապես հերթական անգամ փորձում է հանգստացնել հանրությանը, և դա անում է չափազանց ապաշնորհ կերպով։
Սոնա Մկրտչյան
Կյանքից հեռացել է 18-ամյա Ալեքսանդր Ղազարյանը․ ծնողը մեղադրում է հայաստանյան կրթական, բժշկական և հան...
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Երևանում և մարզերում լույս չի լինի. հասցեներ
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն
Իշխանությունների թիրախում են ակտիվ արցախցիները. «Հրապարակ»