Չինաստանը նախատեսում է տիեզերքում կառուցել հսկա արևային էլեկտրակայան
Չինաստանը հայտարարել է տիեզերքում հսկայական արևային էլեկտրակայան կառուցելու մտադրության մասին, որը միկրոալիքային ճառագայթման միջոցով էներգիա կհաղորդի դեպի Երկիր: Նախագիծը, որը լինելու է հավակնոտ տիեզերական ծրագրի մի մասը, ներառում է նոր ծանր հրթիռների օգտագործում՝ արևային էլեկտրակայանի բաղադրիչներ ուղեծիր հասցնելու համար, գրում է pravda.ru–ն:
Նոր էլեկտրակայանը կգտնվի գեոստացիոնար ուղեծրում՝ Երկրից 36000 կմ բարձրության վրա և կզբաղեցնի մոտ 1 կմ լայնությամբ տարածք։ Դրա նշանակությունն արդեն համեմատվել է չինական Three Gorges Dam-ի՝ Երեք կիրճերի ամբարտակի աշխարհում ամենամեծ հիդրոէլեկտրակայանի նախագծի հետ: Այդ ամբարտակը տարեկան արտադրում է 100 միլիարդ կվտ/ժամ էլեկտրաէներգիա։
Ինչպես նշել է Long March հրթիռի գլխավոր կոնստրուկտոր Լոնգ Լեհաոն, այդ նախագծի իրականացումը «համազոր է Երեք կիրճերի ամբարտակն ուղեծիր տեղափոխելուն»:
Իսկ որո՞նք են տիեզերական արևային էներգիայի առավելությունները: Երկրի վրա արևային մարտկոցները բախվում են այնպիսի սահմանափակումների, ինչպիսիք են ամպերի ծածկույթը և արևային ճառագայթման մթնոլորտային կլանումը: Տիեզերքում արևի լույսի ինտենսիվությունը մոտավորապես 10 անգամ ավելի է, ինչը խոստումնալից լուծում է տիեզերքում արևային էներգիայի արտադրության համար: Այդ տեխնոլոգիան կարող է ապահովել էներգիայի կայուն աղբյուր, որն անկախ է օրվա ժամից և եղանակային պայմաններից:
Հիմնական մարտահրավերը մնում է բոլոր բաղադրիչներն ուղեծիր հասցնելը: Այդ նպատակով Չինաստանը մշակում է նոր բազմակի օգտագործման ծանր հրթիռ՝ Long March-9, որը կարող է բարձրացնել մինչև 150 տոննա բեռ: Հրթիռը հիմք կհանդիսանա նաև Չինաստանի լուսնային ծրագրի համար, որը նաև ներառում է միջազգային լուսնային բազայի կառուցումը մինչև 2035 թվականը:
Տիեզերական արևային կայանների հարցում Չինաստանը միակը չէ:
Նման տեխնոլոգիաների նկատմամբ հետաքրքրություն են ցուցաբերում նաև այլ երկրներ։ Նման կայանների ներուժն ուսումնասիրում են նաև ամերիկյան Lockheed Martin և Northrop Grumman ընկերությունները, Եվրոպական տիեզերական գործակալությունը (ESA) և ճապոնական JAXA տիեզերական կազմակերպությունը։ Մասնավորապես, JAXA-ն այս տարի նախատեսում է ցուցադրական արբանյակ արձակել տեխնոլոգիան գնահատելու համար։
Չնայած առաջընթացին, տիեզերական արևային կայանների նախագիծը բախվում է մի շարք տեխնիկական և տնտեսական մարտահրավերների, ներառյալ բարձր մեկնարկի ծախսերը, ուղեծրի հավաքման դժվարությունները և Երկիր էներգիայի փոխանցման անվտանգությունը: Այնուամենայնիվ, եթե ամեն ինչ հաջողությամբ իրականացվի, ապա այդ գաղափարը կարող է վերափոխել էներգետիկ արդյունաբերությունն ապահովելով վերականգնվող էներգիայի գրեթե անսպառ աղբյուր:
Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը