Ոսկու ֆյուչերսների գինը հասել է պատմական նոր առավելագույնին

Ոսկու ֆյուչերսների գինը Comex բորսայում (Comex-ը Նյու Յորքի ապրանքային բորսայի ստորաբաժանումն է) 2025 թվականի ապրիլին առաքման համար մեկ տրոյական ունցիայի համար գերազանցել է 2950 դոլարը՝ հասնելով պատմական նոր առավելագույնին:

Երևանի ժամանակով ժամը 05:09-ին կայքի տվյալներով՝ ոսկու գինն աճել է 1,6%-ով՝ հասնելով 2950,3 դոլարի։ Ժամը 05:12-ի դրությամբ ոսկին շարունակել է թանկանալ 1,72%-ով՝ հասնելով 2953,8 դոլարի։ Ժամը 05:17-ին ոսկու գինը դանդաղել էր և կազմել 2953,2 դոլար (+1,70%)։