Արշակ Կարապետյանն ու Ալբերտ Բազեյանը նախատեսում են ոտքի հանել ժողովրդին և կազմակերպել անհնազանդություն՝ «գործող ապազգային, թրքահաճո իշխանությանը». «Փաստ»
«Փաստ» օրաթերթը գրում է.
Ինչպես հայտնի է, վերջերս հայտարարվեց «Համահայկական ճակատ» շարժման առաջնորդ Արշակ Կարապետյանի ու «Հայոց աշխարհազոր» ռազմաքաղաքական միավորման խորհրդի նախագահ Ալբերտ Բազեյանի կողմից «Համահայկական միասնության խորհուրդ» ստեղծելու մասին: Եվ ահա, կիրակի օրը՝ մարտի 2-ին, կայանալու է «Համահայկական միասնության խորհուրդ» միավորման հիմնադիր համաժողովը:
Մեր աղբյուրների փոխանցմամբ, նախաձեռնողները նախատեսում են բավական ներկայացուցչական համաժողով: Համաժողովի մասին հաղորդագրության մեջ նշվում է, որ նշյալ ուժերը ոտքի են հանելու ժողովրդին և ամբողջ Հայաստանով մեկ կազմակերպելու են անհնազանդություն՝ «գործող ապազգային, թրքահաճո իշխանությանը», ինչպես նաև պարտադրելու են այս կառավարության հեռացումը ու Հայաստանի Հանրապետության Ազգային ժողովի լուծարումը. «Կարճ ժամկետի համար ձևավորվելու է ժամանակավոր անցումային կառավարություն, որը կնախապատրաստի ՀՀ ԱԺ նոր, արտահերթ և օրինական ընտրություններ»: «Համահայկական ճակատ» կուսակցության և «Հայոց աշխարհազոր» ռազմաքաղաքական միավորման համատեղ հայտարարության մեջ նշվում է, որ «խստորեն դատապարտում են ներկայիս թրքահաճո իշխանության գործունեությունը և վերջինիս կողմից իրականացվող արտաքին և ներքին քաղաքականությունը»։
Ի դեպ, մեր տեղեկություններով, նշյալ ուժերը փետրվարի 23-ին կազմակերպել են հանդիպում գյումրեցիների հետ՝ «նվիրված Հայրենիքի պաշտպանի օրվան»: Համահայկական ճակատ» շարժման առաջնորդ, գեներալմայոր Արշակ Կարապետյանն անդրադառնալով գործող կառավարությանը, ասել է, որ այն «վարում է անգրագետ և երկրի համար կործանարար քաղաքականություն», որ այս կառավարությունը «չգիտի, թե ինչ է ազգը, ժողովուրդը, պետությունը»: «Հայաստանում օր առաջ պետք է տեղի ունենա իշխանափոխություն, և Երևանում իշխանության պետք է գան հայկական ազգային և պետական շահերով մոտիվացված պրոֆեսիոնալներ։ Ներկայիս կառավարության և նրա թիմի հեռացումը հայոց պետականության փրկության միակ ճանապարհն է», - նշել է նա։
Երկրապահ կամավորականների միության նախկին փոխնախագահ Ալբերտ Բազեյանն էլ ասել է, որ «ՀՀ վարչապետի քաղաքական թիմի իշխանության գալու սկիզբը դրվել է Գյումրիում, և նրանց իշխանությունից հեռացնելու մեկնարկը նույնպես այսօր տրվում է Գյումրիից»։
Մանրամասները՝ «Փաստ» օրաթերթի այսօրվա համարում
Երևանում 18-ամյա երիտասարդը բանկում ձևակերպել է ոսկու գրավով վարկ․ ոսկին կեղծ է եղել
Ի՞նչ է խնդրել Ռոբերտ Քոչարյանը Պուտինին. «Հրապարակ»
ՊԾ Երևանի գնդի հրամանատարի կարգադրությամբ հայտնաբերվել է մայթին կայանած Lexus-ը և տուգանվել վարորդը
500 դրամ արժեքով մետաղադրամները շարունակում են մնալ շրջանառության մեջ. ԿԲ
2028-ից կենսաթոշակները կինդենքսավորենք այնպես, որ այն այլևս նվազագույն սպառողական զամբյուղից ցածր չի...
«Հարավկովկասյան երկաթուղի» ընկերությունը բարձրացրել է աշխատավարձերը
Թիվ 8 երթուղու վարորդին դանակահարած ուղևորը եղել է ոչ սթափ վիճակում
Եվրամիությունը փողերը չի տալիս․ «Հրապարակ»
Ինչ է հորդորել Աննա Հակոբյանը մտերիմներին․ «Իրավունք»
Աղերսում եմ կարգալուծ անել Անուշավան եպիսկոպոսին. նա ապստամբ պառակտիչ է. Սամվել դպիր Գրիգորյան