Պրակտիկայում ընտրախախտումների աղետալի ավանդույթը շարունակում է գործել. «Փաստ»
«Փաստ» օրաթերթը գրում է.
Մարտի 30-ին Գյումրի և Փարաքար համայնքներում տեղի ունենալիք ՏԻՄ ընտրություններին անկախ դիտորդի կարգավիճակով հանդես գալու որոշում է կայացրել «ՀայաՔվե» ազգային քաղաքացիական միավորումը՝ «Պառլամենտարիզմի զարգացման միջազգային կենտրոն» և «Երիտասարդական ակումբների դաշնություն» ՀԿ-ների հետ միասին: Նպատակն ընտրական գործընթացի ամբողջական իրավական վերահսկողություն իրականացնելն է։ «ՀայաՔվեն» որոշում է կայացրել մաս չկազմել որևէ քաղաքական ուժի կամ դաշինքի նախընտրական ցուցակի, չներգրավվել քարոզչական աշխատանքներում:
Երեք կազմակերպությունները, միավորելով ուժերը, այս կերպ ռեսուրսների համատեղման միտում ունեն, բացի դա, այս պարագայում օրենսդրությունն ավելի լայն հնարավորություններ է տալիս դիտորդական առաքելություն անցկացնելու իմաստով:
«ՀայաՔվե» միավորման համակարգող Ավետիք Չալաբյանը շեշտում է՝ նախկինում արձանագրված բազմաթիվ ընտրախախտումները՝ և՛ 2021 թ. համապետական, և՛ 2023 թ. Երևանի ավագանու ընտրություններին, հիմք են տալիս ենթադրելու, որ պրակտիկայում ընտրախախտումների աղետալի ավանդույթը շարունակում է գործել։ Ուստի, դիտորդական առաքելության նպատակն է երաշխավորել մեր քաղաքացիներին, որ նրանց ձայնը չի կորելու, և այն նշանակություն ունի, որովհետև, ցավոք, ընտրական գործընթացն ունի բազմաթիվ զարտուղիներ՝ քաղաքացու իրական քվեն աղավաղելու։
Գյումրու 82 և Փարաքարի 16 ընտրատեղամասերում ներկա են լինելու դիտորդական այս առաքելության մեկ կամ երկու դիտորդ, մեկական գրասենյակներ են գործելու Էջմիածնում և Գյումրիում, որտեղ քաղաքացիները կարող են դիմել իրենց իրավունքի ոտնահարման պարագայում: Բացի դա, գործելու է «ՀայաՔվե» ազգային քաղաքացիական միավորման թեժ գիծը 033978281 հեռախոսահամարով:
Դիտորդները հանձն են առնում պաշտպանել քաղաքացիների իրավունքները՝ կոչ անելով նրանց ակտիվորեն մասնակցել առաջիկա ՏԻՄ ընտրություններին:
Մանրամասները՝ «Փաստ» օրաթերթի այսօրվա համարում
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Քաղաքական «մարտեր առանց կանոնների». «Փաստ»