iPhone-ները կարող են թանկանալ Թրամփի սահմանած մաքսատուրքերի պատճառով

Ամերիկյան Apple ընկերությունը նախագահ Դոնալդ Թրամփի սահմանած մաքսատուրքերի պատճառով ստիպված կլինի բարձրացնել իր սմարթֆոնների և մյուս սարքերի գները։ Այս մասին հայտնում է CNBC-ն։

Ի պատասխան մաքսատուրքերի՝ Apple-ը կարող է բարձրացնել իր սմարթֆոնների գինը՝ ծախսերը փոխհատուցելու համար, ասել է Bank of America-ի վերլուծաբան Վեմսի Մոհանը։

Նշվում է, որ iPhone սմարթֆոնների արտադրության 90%-ը բաժին է ընկնում Վիետնամին, Հնդկաստանին և Չինաստանին, որոնց նկատմամբ Թրամփը սահմանել է համապատասխանաբար  46%, 26% և 34% մաքսատուրքեր։

ԱՄՆ կառավարության սահմանափակումների պատճառով Apple-ը ստիպված է լինելու բարձրացնել գները մոտ 9 տոկոսով։ Սակայն  չի բացառվում, որ ՏՏ ոլորտի հսկան կարող է իր վրա վերցնել այդ ծախսերը։ Apple-ը չի ցանկանում բարձրացնել գները, որպեսզի չվանի իր արտադրանքի երկրպագուներին և շարունակի իր կողմը գրավել Android սմարթֆոնների օգտատերերին։ Եթե ​​դա տեղի ունենա, ապա, Մոհանի կանխատեսմամբ, կորպորացիան մեկ արժեթղթի համար 26 ցենտի վնաս կկրի։