Ցանկապատ, որը ոչ միայն պաշտպանում է, այլ նաև արտադրում է էլեկտրաէներգիա. նոր միտում ձեր այգում

Երբևէ մտածել եք, թե ինչպե՞ս ձեր ցանկապատը դարձնել ոչ միայն ոճային, այլ նաև օգտակար: Ավստրիական նոր ստարտափն առաջարկում է հեղափոխական գաղափար՝ արևային մարտկոցներ ներկառուցված հենց ձեր պարտեզի ցանկապատի մեջ: Դա ոչ միայն էներգիայի արտադրության լուծում է, այլ նաև ձեր այգին կանաչ էլեկտրակայանի վերածելու եզակի հնարավորություն, գրում է pravda.ru–ն:

Sunbooster-ը մշակել է եզակի արևային մարտկոցներ, որոնք տեղադրվում են ուղղահայաց ցանկապատերի միջև: Այդ վահանակները կարող են դառնալ ոչ միայն էլեկտրաէներգիայի աղբյուր, այլ նաև ձեր այգու դիզայնի տարրը: Վահանակի երկարությունը 2 կամ 2,5 մետր է, բարձրությունը մոտ 1,8 մետր, ինչն իդեալական է մետաղական ցանցային ցանկապատերի համար։ Այս լուծումը հարմար է, քանի որ մեկ սարքը համատեղում է երկու գործառույթ՝ պաշտպանել տարածքը և արտադրել էներգիա։

Համակարգը բաղկացած է առնվազն վեց բլոկներից, որոնց ընդհանուր հզորությունը կարող է հասնել 468 Վտ՝ կախված ընտրված չափից։ 10 մետրանոց ցանկապատի համար կպահանջվի 24 պանել, որը կապահովի մինչև 1,8 կՎտժ էներգիա։ Դա բավական է մի քանի ամիս ջերմային պոմպը լիցքավորելու կամ 11000 կիլոմետր վազքի էլեկտրական մեքենա լիցքավորելու համար։ Ավելին, 22,8 % արդյունավետությամբ պանելն ի վիճակի է տարեկան արտադրել մոտ 2,2 ՄՎտժ էներգիա։

Այս վահանակների հիմնական առավելությունն այն է, որ դրանք երկկողմանի են, ինչը թույլ է տալիս ավելի շատ արևի լույս գրավել՝ ինչպես առավոտյան, այնպես էլ երեկոյան: Դա հատկապես կարևոր է, քանի որ տներում էներգիայի առավելագույն սպառումը տեղի է ունենում այդ ժամանակահատվածում: Ի տարբերություն ավանդական արևային մարտկոցների, որոնք առավելագույն էներգիա են արտադրում միայն օրվա կեսին, Sunbooster ուղղահայաց վահանակներն ապահովում են կայուն արտադրություն երկու պիկում՝ առավոտյան և երեկոյան: Ալբեդոյի էֆեկտը, որտեղ լույսն արտացոլվում է գետնից, օգնում է այդ պանելներին ավելի շատ արևային ճառագայթներ կլանել բարձրացնելով դրանց արդյունավետությունը:

Համակարգը ներկայումս հասանելի է նախնական պատվերների համար եվրոպական մի շարք երկրներում, այդ թվում Ավստրիայում, Գերմանիայում և Շվեյցարիայում: Այն ներառում է վեց ճկուն վահանակներ, ինվերտոր և 10 մետրանոց մալուխ, որոնք պատրաստ են դառնալ ձեր այգու կամ ցանկապատի մի մասը:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]