Արևմուտքը Ցեղասպանության հարցում Թուրքիայի և Փաշինյանի դաշնակիցն է
Հայաստանում Եվրամիության դիտորդական առաքելությունը սկանդալի կենտրոնում է հայտնվել, երբ X-ի իր էջից հեռացրել է Հայոց ցեղասպանության 110-րդ տարելիցի վերաբերյալ գրառումը, որում «Ցեղասպանություն» բառն էր պարունակում։ Որոշ ժամանակ անց նոր գրառում է հայտնվել, որտեղ բացակայում է «Ցեղասպանություն» բառը։ Փոխարենը նշվում է, որ առաքելությունը հարգանքի տուրք է մատուցել 1915-1923 թվականների հայ զոհերի հիշատակին։ «Այս օրը հիշեցնում է, որ մենք պետք է ամեն ինչ անենք, որպեսզի նման վայրագություններ չկրկնվեն», նշվում է գրառման մեջ, որը նույնական է եղել 2 հրապարակումներում էլ։
Կարելի է գուշակել, թե ինչու է դիտորդական առաքելությունը հեռացրել իր նախնական գրառումը՝ այդ կերպ փորձելով, թերևս, սիրաշահել թուրքական կողմին։ Մյուս կողմից՝ հաշվի առնելով Հայաստանի գործող իշխանությունների քաղաքականությունը ցեղասպանության ժխտման և հրաժարման ուղղությամբ, ոչ պակաս ողջամիտ և տրամաբանական է թվում, որ վարչապետի աշխատակազմից կարող են խնդրած լինել, հեռացնել գրառման մեջ առկա ցեղասպանություն բառը։
Փաշինյանն ինքն իր ուղերձում չափազանց քիչ է հիշատակել «Ցեղասպանություն» բառը, փոխարենն օգտագործելով «Մեծ եղեռն» արտահայտությունը։ Նույն այդ արտահայտությունը երեկ հայտնվել է ԱՄՆ նախագահ Դոնալդ Թրամփի ուղերձում։ Դեմոկրատական վարչակազմի օրոք 2021 թ․-ին Ջո Բայդենը ճանաչեց Հայոց ցեղասպանությունը՝ ուղիղ այդ մասին նշելով իր ուղերձում։ 4 տարի շարունակ դեմոկրատների վարած քաղաքականությունից հետո նոր հանրապետական վարչակազմը կարծես վերադառնում է իր հին ավանդույթներին, օգտագործելով «Մեծ Եղեռն» արտահայտությունը, ինչը, նշենք, փրձագետների կողմից դիտարկում է որպես տվյալ հարցում Սպիտակ տան վարչակազմի հետքայլ։
Տարօրինակն այստեղ, իհարկե Եվրամիության դիտորդական առաքելության պահվածքն է, որը ոչ մեկնաբանել, ոչ էլ պարզաբանել է իր արածը։ Ցանկալի կլիներ, որպեսզի դիտորդական առաքելությունը կամ եվրոպական գործիչներն ի վերջո պատասխանեին՝ ինչպես են գնահատում 1915 թվականի իրադարձությունները՝ «Մեծ Եղե՞ռն», թե՞ «Ցեղասպանություն», քանի որ դրանից է կախված նաև հայ ժողովրդի վերաբերմունքը նույն Եվրոպայի հանդեպ, ուր իբր սլանում է Նիկոլ Փաշինյանը։
Մանե Փիլոյան
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Կապանում ունենալու ենք վիեննական վալս. Սեւակ Ավանեսյան
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»