Սահարայի ավազը սպառնում է Եվրոպայի արևային էներգետիկային
Եվրոպայում արևային էներգետիկայի զարգացման հետ մեկտեղ նոր սպառնալիք է ի հայտ գալիս՝ Սահարայից ավազի փոշու կանոնավոր «ներխուժումները»։ Եվրոպական երկրաբանական գիտությունների միության (EGU25) համաժողովում գիտնականները ներկայացրել են տվյալներ, որոնք հաստատում են, որ հանքային փոշին զգալիորեն նվազեցնում է արևային էլեկտրակայանների աշխատանքի արդյունավետությունը և խաթարում էլեկտրաէներգիայի արտադրության կանխատեսումների ճշգրտությունը։
Սահարան ամեն տարի արտանետում է միլիարդավոր տոննա փոշի, որի տասնյակ միլիոնները հասնում են Եվրոպա։ Այս մասնիկները ցրում և կլանում են արևի լույսը, նպաստում են ամպերի առաջացմանը և, հետևաբար, նվազեցնում են Երկրի մակերևույթին հասնող արևային ճառագայթումը, ինչը նվազեցնում է արևային վահանակների արդյունավետությունը։ Փոշին նաև աղտոտում և քերծում է վահանակների մակերևույթը, ինչը կրճատում է դրանց ծառայության ժամկետը և մեծացնում սպասարկման ծախսերը։
Դոկտոր Ջերջ Վարգայի ղեկավարած թիմը վերլուծել է 2019-2023 թվականներին Կենտրոնական Եվրոպայում և հարավային շրջաններում՝ Իսպանիայում, Պորտուգալիայում, Ֆրանսիայում, Իտալիայում և Հունաստանում տեղի ունեցած 46 ավազե փոթորիկ։ Հետազոտությունը ցույց է տվել, որ վահանակների արտադրողականության նվազման հիմնական պատճառն արևային էներգիայի արտադրության կանխատեսման ժամանակակից մոդելների անբավարարությունն է, որոնք չեն հաշվի առնում մթնոլորտի դինամիկ փոփոխությունները և հաճախ հիմնվում են հնացած տվյալների վրա։
Գիտնականներն ընդգծում են, որ առավելագույն ճշգրիտ կանխատեսումներ ստանալու համար անհրաժեշտ է հաշվի առնել օդային տարածքում փոշու կոնցենտրացիան և դրա փոխազդեցությունն ամպերի հետ։
«Առանց դինամիկ կանխատեսման մեթոդների՝ էներգիայի պակասի և էներգահամակարգի անկայունության ռիսկը միայն կաճի արևային էներգետիկայի բաժնեմասի մեծացմանը զուգընթաց», - նշում է Վարգան։
Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը։
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
ՍՏՈՊ ավելորդ բաժանորդագրություններին․ Visa Stop Payment-ը Converse Mobile-ում
«Հորիզոն» փառատոնը Հայաստան է բերում Stephan Bodzin-ին, Satori-ին, Son of Son-ին և Tamada-ին
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Ֆինանսական նոր հմտություններ Դավիթբեկյան խաղերում․ Idram&IDBank
Չինաստանը գործարկում է նոր սերնդի էներգետիկ համալիր. 700,000 արևային վահանակներ և արհեստական բանական...
Փաշինյանը դատական մաֆիան հանել է իմ դեմ. Էդմոն Մարուքյան
«Դիմադրության օջախների կրակները մարելու համար շարունակում է իրականացնել իր ռեպրեսիվ գործունեությունը...