«Հրապարակ». Բագրատ Սրբազանը կրկին ակտիվանում է
«Հրապարակ» թերթը գրում է. «Քաղաքական շրջանակներում սկսել են խոսել, որ Բագրատ սրբազանը կրկին ակտիվանում է եւ վերսկսելու է մեկ տարի առաջ մեկնարկած ու կիսատ մնացած փողոցային պայքարը։ Անգամ հստակ օր է նշվում՝ մայիսի 28։ Փորձեցինք Սրբազանին մերձ շրջանակից ճշտել լուրը, սակայն մեզ վստահեցրին, որ չունեն նման տեղեկություն։
Սրբազան շարժման ժամանակ ձեւավորված խոսնակների խորհրդի ներկայացուցիչը մեզ փոխանցեց, որ վերջին անգամ հավաք արել են անցած տարվա կեսերին, եւ եթե ակտիվանալու մտադրություն լիներ, իրեն անպայման տեղյակ կպահեին։ Սրբազանի զինակից Գառնիկ Դանիելյանն էլ ակտիվանալու եւ փողոց դուրս գալու մասին հարցին հարցով պատասխանեց․ «Իսկ մենք ե՞րբ փողոցում չենք, երեկ էլ մինչեւ ուշ երեկո Սրբազան պայքարի ձերբակալված երիտասարդների համար ոստիկանության շենքի առջեւ էինք բողոքի ակցիա անում»։
Հիշեցնենք․ մեկ տարի առաջ այս օրերին ձեւավորված «Տավուշը հանուն հայրենիքի», ապա՝ «Սրբազան» վերանվանված շարժումը խոստանում էր շաբաթների ընթացքում լուծել երկրում իշխանափոխության հարցը՝ իմպիչմենտի ճանապարհով «տուն ուղարկելով» Նիկոլ Փաշինյանին։ Տավուշից քայլերթով մայիսի 9-ին Երեւան հասած եւ մի քանի ամիս հանրահավաքներ արած շարժման առաջնորդը, սակայն, չկարողացավ կատարել տված խոստումը, իսկ աշնանը խոստացավ, որ կիսատ մնացած գործը շարունակելու է 2025-ին»։
Բաքվում մեկնարկել է Արցախի ռազմաքաղաքական նախկին ղեկավարների գործով վերաքննիչ բողոքի քննությունը
Կյանքից հեռացել է 18-ամյա Ալեքսանդր Ղազարյանը․ ծնողը մեղադրում է հայաստանյան կրթական, բժշկական և հան...
Հանրապետության հրապարակում ռոբոտ շներ ցուցադրվեցին
Երևանում և մարզերում լույս չի լինի. հասցեներ
Նեթանյահուն աշխարհի մուսուլմաններից շուտով կստանա իրեն հասանելիք դասը․ Էրդողան
Հակակոռուպցիոն կոմիտեն Գորիսում ընտրակաշառքի դեպք է բացահայտել. կատարվել են խուզարկություններ
Իրանի հետ գործարքը կամ հիանալի կլինի, կամ՝ ոչ․ Թրամփ
ԱԺ-ն «ինքնալուծարման» է գնացել. «Հրապարակ»
ՀՀ ՊՆ նախկին շենքի մոտ բախվել է 3 ավտոմեքենա․ խցանումը հասնում էր մինչև Արագածոտնի մարզ
Երկու տանկեր իրանական երթուղով անցել է Հորմուզի նեղուցը և ուղևորվել դեպի Չինաստան և Պակիստան