Ինչո՞ւ է ահաբեկվել գործող իշխանությունը Մարուքյանի առաջադրումից
Նիկոլ Փաշինյանի նախկին կուսակիցներ Հովիկ Աղազարյանն ու Հակոբ Ասլանյանն իրենց ՄԱՍԿ կուսակցությամբ Փաշինյանին պաշտոնանկ անելու գործընթաց են սկսել և վարչապետի թեկնածու ներկայացրել «Լուսավոր Հայաստան» կուսակցության նախագահ Էդմոն Մարուքյանին։ Վերջինս ուղիղ եթերով հայտնել է, որ իրեն առաջարկել են տալ համաձայնություն, որպեսզի կարողանան սկսել անվստահության գործընթացը։ Մարուքյանի կողմից այս հայտարարությունն անելուց և համապատասխան փաստաթուղթը ստորագրելուց հետո, զարմանալիորեն քննադատությունների և հեգնանքի տարափ սկսեց տեղալ «Լուսավոր Հայաստանի» առաջնորդի հասցեին, ընդ որում ոչ միայն իշխանության կողմից, այլ որոշ ընդդիմադիր շրջանակների կողմից ևս։
Մինչդեռ փաստն այն է, որ թե՛ ՄԱՍԿ կուսակցության և թե՛ Էդմոն Մարուքյանի կողմից նման հայտարարությունն ու անվստահության գործընթաց սկսելն ամենատրամաբանականն ու ողջամիտն է։ Բանն այն է, որ անհրաժեշտ է 36 պատգամավորների ստորագրություն, որպեսզի գործընթացը մեկնարկի Ազգային ժողովում։ Ընդդիմադիր 2 խմբակցությունները միասին ունեին 34 պատգամավոր և պակասում էր ընդամենը 2 ստորագրություն համապատասխան գործընթաց սկսելու համար, ուստի և թե՛ «Հայաստան» դաշինքը և թե՛ «Պատիվ ունեմ» խմբակցությունները չէին համարձակվում գործընթաց նախաձեռնել։
Այժմ, երբ Հովիկ Աղազարյանն ու Հակոբ Ասլանյանը միացել են և վարչապետի թեկնածու ներկայացրել, 36 ստորագրության հարցը լուծվում է։ Ու ընդդիմադիր խմբակցություններն էլ հայտարարություններ էին տարածել, որ պատրաստ են միանալ իմպիչմենտի գործընթացին, եթե համապատասխան թվով ստորագրություններ հավաքելու շանս լինի։ Այժմ, երբ նման շանս գոյություն ունի, քննադատությունները Մարուքյանի, Աղազարյանի ու Ասլանյանի հասցեին ոչ միայն ողջամիտ չեն, այլև, ընդհակառակը, բխում են գործող իշխանության շահերից։
Նաև զարմանալի չէ, որ ամենամեծ աղմուկն ու վայնասյունը բարձրացրել է հենց գործող իշխանությունը, ի տարբերություն մյուս ընդդիմադիր հնարավոր թեկնածուների, Մարուքյանը, այսպես կոչված, նախկիններից չէ, վարկաբեկված չէ, կոռուպցիոն որևէ սկանդալում երբևէ ներգրավված չի եղել, ինչն էլ, նշենք, ամենակարևոր կռվանն է գործող իշխանությունների համար, և այժմ, իրենց վախը ցուցադրելով, փորձում են վարկաբեկել ընդդիմադիր վարչապետի թեկնածուին։
Իրինա Մխիթարյան
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»
Փաշինյանը Կաթողիկոսին հեռացնելու ժամկետ է դրել. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ