«Մենք ենք մեր երկիրը քանդում՝ ունենալով այդպիսի ղեկավար». «Փաստ»
«Փաստ» օրաթերթը գրում է.
Հատկապես վերջին շրջանում Ազգային ժողովում տեղի ունեցողը ևս մեկ անգամ ցույց է տալիս, որ Հայաստանում չպետք է խորհրդարանական կառավարում լինի: Հնարավոր է, որ դա կառավարման ավելի բարձր ֆորմատ է, բայց մեզ, երևի թե, դրա համար մի հարյուր տարի պետք է: Մենք պատրաստ չենք դրան, Հայաստանում պետք է լինի նախագահական կառավարում: «Փաստի» հետ զրույցում նման կարծիք է հայտնում «Համահայկական ճակատ» շարժման առաջնորդ, ՀՀ պաշտպանության նախկին նախարար, գեներալմայոր Արշակ Կարապետյանը:
«Ինչ վերաբերում է մի քանի օր առաջ տեղի ունեցածին, ապա այստեղ նույնիսկ այնքան կարևոր չէ, թե ով ինչ ասաց, ով ում վիրավորեց, ով ում կպավ, կամ նույնիսկ ինչ թեմա էր քննարկվում: Հարցն այն է, որ այս յոթ տարվա ընթացքում այս իշխանությունները հայոց ազգային հարցը դարձրել են Ռոբերտ Քոչարյանից երկու տուն կամ փող վերցնելը: Դա ի՞նչ հարց է՝ ազգային նպատա՞կ է: Ռուսաստանում եթե նման որևէ որոշում կայացվի դատարանով, ուղղակի մի նախադասությամբ կտեղեկացնեն ու վերջ»,-ասում է Կարապետյանը:
Հավելում է, որ Հայաստանի իշխանությունները ոչ մի հարցով չեն զբաղվում՝ ո՛չ ժողովրդով, ո՛չ կրթությամբ, ո՛չ սոցիալական հարցերով, ո՛չ առողջապահությամբ, ո՛չ անվտանգային հարցերով: Մյուս կողմից՝ մեր զրուցակիցը պարադոքս է համարում, որ Հայաստանում տասնապատիկ ավելացել է քրեական գործերի, ձերբակալությունների քանակը, բայց և տասն անգամ ավելացել են ծանր հանցագործությունները: Այս ի՞նչ են դարձրել մեր երկիրը՝ հռետորական հարց է տալիս պաշտպանության նախկին նախարարն ու նշում. «Մենք պետությունը կորցնում ենք ոչ այնքան արտաքին ազդեցությունից, այլ ներքին իրավիճակի, երկրի ղեկավարության պատճառով»:
Արշակ Կարապետյանը վիրավորական է համարում, որ Նիկոլ Փաշինյանն է ղեկավարում մեր երկիրը: «Ոչ ոք ոչ մի երկրում չի ընդունում Հայաստանի ղեկավարին: Վախկոտ, իր ու երկրի արժանապատվությունը չպահող ղեկավարին ո՞նց կարող են ընդունել: Ռուսաստանում բանատեղ չդրեցին, հիմա էլ գնացել է Ալբանիա, այնտեղ էլ բանատեղ չեն դնում: Ստիպված միջանցքներում սրան-նրան բարևում է, նկարում են ու գրում՝ հանդիպեցինք, քննարկեցինք: Ախր, ի՞նչ ես քննարկել, ոտքի վրա, միջանցքներում հպանցիկ բարևելը ի՞նչ քննարկում է: Կրկնում եմ՝ մենք ենք մեր երկիրը քանդում՝ ունենալով այդպիսի ղեկավար»,-ասում է «Համահայկական ճակատ» շարժման առաջնորդը:
Մանրամասները՝ «Փաստ» օրաթերթի այսօրվա համարում
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Երբ ջնջվում է... ոգին. «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...