Գլխավոր Լրահոս Վիդեո Կիսվել
Փաշինյանն ու իր ուսապարկերը որոշել են Վարդավառը վերածել սոցցանցային արշավի, թե բա՝ «տեսեք, ինչ լավ է մեր երկրում, ինչ երջանիկ ժողովուրդ ունենք». Միքայել Գրիգորյան Իշխանությունը քաղաքացիական պատերազմ է հրահրո՞ւմ. «Փաստ» Ի՞նչ այլընտրանքային ճանապարհային քարտեզ են պատրաստում. «Փաստ» Քաղաքական աստառով գործողություններ, որոնք բացասաբար են ազդելու Հայաստանի վրա. «Փաստ» Հակակոռոպցիոն կոմիտեն ու դատախազությունը որոշել են Նիկոլ Փաշինյանի նկատմամբ քրեական վարույթ չնախաձեռնել. «Փաստ» ՔՊ «փիառչիկներն» էլ են խոստովանում, որ ՀԷՑ-ի «գործը» բացառապես քաղաքական է. «Փաստ» Ամերիկյան վարձակալի թուրքական ականջները. «Փաստ» «Եթե կառավարությունը չկատարի արբիտրաժի որոշումը, առնվազն երեք հետևանք է լինելու Հայաստանի համար» ՔՊ-ականները դիվոտում են առաջին նախագահի ողջամիտ խոսքից Փաշինյանի վարկանիշը կրկին շեշտակի նվազել է Կարևորը՝ մնա իշխանության, իսկ թե ինչ կլինի Հայաստանի հետ, նրան չի էլ հետաքրքրում. «Փաստ» Երբ մի գրագետ, մի խելոք, մի կազմակերպված խոսքն արդեն «արտառոց» է. «Փաստ»
Լիլիթ Հովհաննիսյանի նոր ֆոտոշարքը«Ես մի կերպ եմ ինձ զսպում, երբ դու ընտրում ես եղանակին անհամապատասխան հագուստ ու ստիպում, որ հենց դա հագնես». Հասմիկ Խոջյանի ու դստեր ֆոտոշարքըՀՀ ՄԻՊ-ի աջակցությամբ լուծում է ստացել Արցախից տեղահանված անձի սոցիալական աջակցություն հարցըԵկեղեցու թիրախավորման փաստը ողջամիտ մարդկանց տարակուսանքն է առաջացնում, կգնանք մոլորվածին որոնելուՌԴ ՆԳՆ-ն հետախուզում է սկսել Եկատերինբուրգում ադրբեջանական սփյուռքի ղեկավար Շիխլինսկու նկատմամբԿոստանյանն ու Պաղեստինի ԱԳ և արտագաղթյալների հարցերով պետնախարար Աղաբեկյանը քննարկել են Հարավային Կովկասում և Մերձավոր Արևելքում ընթացող գործընթացներըԵրևանում բախվել են «Fiat»-ը և «Nissan»-ը․ վերջինը կոտրել է խաչմերուկը կարգավորող լուսակիրը«Երաժշտություն հանուն ապագայի» հիմնադրամի կրթաթոշակառուները «Երևան» երիտասարդական նվագախմբի հետ նույն բեմում էինՀայաստան-Ադրբեջան հարաբերությունները կքննարկվեն Թուրքիայի անվտանգության խորհրդի նիստումԱմերիկյան ավիաընկերությունները չեղարկում են դեպի Հավայան կղզիներ չվերթները Կամչատկայում տեղի ունեցած երկրաշարժի պատճառովԱյս պահին դատարանը լուծել է միայն Փաշինյանի ավտոշարասյան կողմից վրաերթի ենթարկված հղի կնոջ գործով մեղավորության հարցը, ինչից տուժող կողմը գոհ է. փաստաբանԽոշոր հրդեհ՝ Գետամեջի թռչնաֆաբրիկայումՄերձբալթյան երկրներում ուսուցչի աշխատավարձը մեզնից չորս անգամ բարձր է. Ատոմ ՄխիթարյանԳառնի համայնքի սեփականության իրավունքն է վերականգնվել «Բազալտե երգեհոն» («Քարերի սիմֆոնիա») տարածքում օտարված հողամասի նկատմամբԵթե ավագանու մանդատի հետ համատեղելի առաջարկ լինի, կհամաձայնեմ, նախարար նշանակվելու լուրերը հերքում եմ. Սարիկ ՄինասյանԵրևանում «Mini Cooper»-ը հարվածել է կայանված «Nissan»-ին, վերջինը կողաշրջվել էՃապոնիայում ցունամիի նախազգուշացումից հետո ալիքներն ափ են նետել մի քանի կետի (տեսանյութ)Վիզայի տրամադրումից հետո դրա հետ կապված ստուգումները չեն դադարում․ ԱՄՆ դեսպանատունՍիսիան համայնքին պատճառվել է առանձնապես խոշոր չափերի վնաս․ քրեական ոստիկանության բացահայտումը (տեսանյութ)Ադրբեջանում Իսրայելի նոր դեսպանը ժամանել է Բաքու
Մամուլի տեսություն

«Եկեղեցին մեր վերջին ինստիտուտն է, որը Նիկոլը փորձում է քանդել վերջնականապես». «Փաստ»

«Փաստ» օրաթերթը գրում է.

Եկեղեցին ու հոգևոր դասը մշտապես եղել են 2018 թվականին Հայաստանում իշխանության եկած թիմի թիրախում։ Բայց որ նման զազրելի բառամթերքով, անհիմն մեղադրանքներով Հայաստանի փաստացի ղեկավարը կարող է անդրադառնալ մեր հոգևոր կառույցին, շատերիս համար աներևակայելի էր։ Շարունակում ենք գահավիժել, թե մինչև ուր, պարզ չէ։

Քաղաքագետ Գագիկ Համբարյանը մեր այս դիտարկումներին արձագանքում է՝ հանկարծ չմտածեք, որ սա պատահականություն է, կամ Նիկոլը փորձում է այսպիսի փողոցային բառապաշարով ինչ-որ նեղ հարցեր լուծել, բացարձակ։ «Եկեղեցին այն եզակի ինստիտուտն է մնացել Հայաստանի Հանրապետությունում, որը պայքարում է Արցախի համար, և բացարձակ զարմանալի չէ, որ վերջին օրերի ջղաձգումները և այսօրվա (երեկվա-խմբ.) փողոցային բառապաշարը, հատկապես՝ կապիտուլ յանտ Նիկոլի և նրա կնոջ անբարո մեկնաբանությունները՝ կապված եկեղեցում գոյություն ունեցող մանկապղծության փաստերի հետ, որի վերաբերյալ, ինչպես միշտ, ո՛չ Նիկոլը, ո՛չ էլ իր կողակցուհին որևէ ապացույց չեն ներկայացնում, ավելի խոր նպատակներ ունի։ Այն է՝ վերացնել այն եզակի ինստիտուտը, որը պայքարում է Արցախի համար, և բացարձակ պատահական չէ, որ այս ամենը համընկավ շվեյցարական Բեռնում Եկեղեցու անմիջական բարձր հովանու ներքո տեղի ունեցող կոնֆերանսին, որտեղ խոսվում է Արցախի մշակութային և նյութական ժառանգության, Եկեղեցու ունեցվածքի նկատմամբ Ադրբեջանի կողմից դրսևորվող վայրագությունների և պղծությունների մասին։ Հիմա Նիկոլը փորձում է այդ ամենը տանել դեպի անձնական դաշտ և կրկին թիրախավորել Եկեղեցին՝ նույնիսկ շրիշակի մակարդակից շատ ցածր բառապաշարով։ Ամոթ էլ է ասել, բայց մարդն օգտագործում է «դոմփել» բառը։ Դա օգտագործում է մեկը, ով իր կնոջ հետ պետական բյուջեի հաշվին ուղղաթիռներով գնում է իրենց իդեա ֆիքս համարվող «Կրթությունը նորաձև է» ծրագրերն իրականացնելու համար։ Վերջերս կրկին ուղղաթիռով գնացին Կապան։ Ո՞վ է իրենց թույլ տվել պետական բյուջեի հաշվին թրև գալ ամբողջ Հայաստանով մեկ և իրենց անձնական ծրագիրն իրականացնել։ Երկրորդը՝ երբեք չմոռանանք, որ Նիկոլ Փաշինյանը և նրա ընտանիքն աղանդավորներ են։ Նրանք երբեք դա չեն թաքցրել, կան բազմաթիվ ապացույցներ, հատկապես իշխանության գալուց հետո կապիտուլ յանտ Նիկոլը բազմիցս իր էջում տեղադրել է «Կյանքի խոսք» հայտնի աղանդի սպասավորներից մեկի քարոզները։ Նա այդ աղանդավորի քարոզները դնում էր իր էջին և խորհուրդ տալիս իր էջի հետևորդներին լսել կամ կարդալ՝ բառի բուն իմաստով։ Սա ցույց է տալիս, որ կապիտուլ յանտ Նիկոլը Հայ առաքելական եկեղեցու հետևորդ չէ։ Բոլորս գիտենք, թե այդ աղանդը որտեղից է գալիս, ինչ է իրենից ներկայացնում և ինչ շահեր է այն սպասարկում Հայաստանի Հանրապետությունում։ Այդ աղանդը, որը գործում է նաև այլ երկրներում, մեղադրվում է շատ այլ երկրների կողմից՝ որպես ամերիկյան քարոզչական միջոց, որպես ամերիկյան գաղտնի ծառայությունների կողմից ստեղծված աղանդ, որը վերահսկվում է նաև ամերիկյան գաղտնի ծառայությունների կողմից, և մեխանիկորեն, եթե այդ աղանդն այլ երկրներում ունի նման հռչակ, ուրեմն այն Հայաստանի Հանրապետությունում ևս չի կարող անկախ գործել։ Դա ամերիկյան հայտնի «Կյանքի խոսք» եկեղեցու հայաստանյան մասնաճյուղն է իր բոլոր հետևանքներով մեզ համար։ Արդեն ժամանակն է, որ Եկեղեցին նզովքի ենթարկի այս զույգին և հատկապես ամուսնուն, և թույլ չտա նրան մուտք գործել Եկեղեցի»,-«Փաստի» հետ զրույցում ասում է Համբարյանը։

Ընդգծում է՝ Նիկոլ Փաշինյանն իր գրառումների շարքում նշում է կուսակրոնության խնդիրը: «Եկեղեցին օրգանիզմ է և չի կարող բացասական երևույթներ չունենալ։ Դա նորմալ է և չի վերաբերում միայն Հայ առաքելական եկեղեցուն։ Հիշեք, թե պատմության ընթացքում Հռոմի կաթոլիկ եկեղեցին ինչեր է տեսել, Ռուս ուղղափառ եկեղեցին ինչեր է տեսել և տեսնում հիմա։ Արևմուտքն Ուկրաինայում պատերազմ սկսելուց հետո բացահայտ պառակտեց Ռուս ուղղափառ եկեղեցին և Ռուս ուղղափառ եկեղեցու Ուկրաինայի թեմն ամբողջությամբ անջատեց Ռուսական ուղղափառ եկեղեցուց, դա պատահական չէր։ Նույն բանը հիմա փորձում են անել Հայաստանում, բայց ամբողջությամբ փորձում են վերացնել Հայ առաքելական սուրբ եկեղեցին և Սուրբ եկեղեցու անվան ներքո ձևավորել աղանդավորական բողոքական եկեղեցի։ Մեր Եկեղեցին հենց նրանով է տարբերվում մյուս բոլոր եկեղեցիներից, որ մեզ մոտ քաղաքացիական հասարակությունն իրավունք չունի իր կարծիքը հայտնել Եկեղեցու ներսում տեղի ունեցող իրադարձությունների վերաբերյալ բանսարկությունների, ասեկոսեների, կեղծիքների, մանիպուլ յացիաների միջոցով։ Հիշեք 2018 թվականին Նիկոլի իշխանության գալը, հիշեք նրա կողմից ձևավորված և նրան սատարող հակաեկեղեցականների հարձակումները, հիշեք այն զրպարտությունները և կեղծիքները, որոնք տարածում էին Եկեղեցու և նրա հոգևոր սպասավորների վերաբերյալ, հիշեք նաև այն կեղծիքները և մանիպուլ յացիաները, թե ինչպես էին փորձում մեղադրել Եկեղեցուն Սուրբ Գեղարդը վնասելու և Ռուս ուղղափառ եկեղեցուն նվիրելու մեջ։ Դա բացահայտ կեղծիք և սուտ էր։ Ցավոք, պետք է նշենք, որ մեր հասարակության զգալի մասն անգրագետ է և շատ արագ ընկալում է այդ տգիտությունները և ընդունում որպես արդարություն։ Հիմա Եկեղեցու շուրջ տեղի ունեցող գործընթացներն ամբողջությամբ 2018 թ. խուլիգանության շարունակությունն է։ Շատ լավ կլինի, որ Եկեղեցին վերջապես նզովքի ենթարկի Նիկոլ Փաշինյանին և նրա ընտանիքին՝ որպես հակաեկեղեցականների և հակահայերի։ Բացարձակ պետք չէ զարմանալ, որ Եկեղեցու երեսպաշտությունից խոսում է իրեն աթեիստ հռչակած, բայց իրականում եսիմ ինչ, Աստվածաշունչը ծաղրող Արսեն Թորոսյանը, բացարձակ չզարմանաք, որ այլ աղանդավորներ, որոնք Նիկոլի շուրջբոլորն են գտնվում, հիմա նոր հրահանգ ստանան հարձակվելու Հայ առաքելական եկեղեցու վրա՝ սկսած Նիկոլին սպասարկող աղանդներից, վերջացրած հայտնի աղանդավոր բլոգերներով։ Նիկոլի խուլիգանությունը՝ Եկեղեցին չուլանի հետ համեմատելը, դրա սկիզբն էր»,-նշում է մեր զրուցակիցը։

Հավելում է՝ Հայաստանի տարբեր հատվածների եկեղեցիներում բավականին հաճախակի է լինում։ «Այն, ինչ կապիտուլ յանտ ոչնչությունը ներկայացնում էր կառավարության նիստին, այդպիսի բան չեմ տեսել։ Եվ ամենակարևորն՝ այդ «տունը» (մեր զրուցակիցն ավելի կոպիտ բառ է օգտագործում-խմբ.), որտեղ նա ապրել է, պատերի խզբզոցները և տան փնթիությունն ամբողջ Հայաստանը և համայն հայությունն է տեսել, նա իրավունք չունի խոսելու ինչ-որ վայրի «չուլանանոց» լինելու մասին։ Սա ավելի գլոբալ խնդիրներ լուծելու նպատակ ունի։ Եկեղեցին մեր վերջին ինստիտուտն է, որը Նիկոլը փորձում է քանդել վերջնականապես»։

Քաղաքագետն ասում է՝ Նիկոլ Փաշինյանը, ոչնչացնելով Արցախը և մարսելով Արցախի հետ կապված պատմությունը, հիմա ոչ մի սահմաններ չի ճանաչում։ «Այդ մարդը հասկանում է, որ գործ ունի մի հասարակության հետ, որի մի որոշ մասն անգրագետ է։ Նրանք չեն վերցնում իր նախկին ելույթները, չեն համադրում ներկայիս ելույթների հետ։ Հասարակության այս հատվածը օրվա տեղեկատվությամբ ապրող հասարակություն է։ Հիմա հասկանո՞ւմ եք, թե ինչու 360 հազար քառակուսի կիլոմետր տարածք ունեցող երկրից վերածվել ենք ընդամենը 29 հազար քառակուսի կիլոմետր տարածք ունեցող երկրի, որովհետև մեր և՛ հասարակությունն է սարսափելի հակապետական իր ամբողջ էությամբ, և՛ քաղաքական էլիտան։ Եթե այսպիսի բաներ ժամանակին տեղի ունենային եվրոպական երկրներում, Եկեղեցու նկատմամբ այսպիսի արշավներ կազմակերպողները հիմա չգիտեմ, թե որտեղ կլինեին։ Թող Վրաստանում մեկն ու մեկը փորձի անարգել և անվանարկել Վրաց ուղղափառ եկեղեցին։ Կտեսնեք, թե նրանց հետ ինչ կլինի։ Ի՞նչ ենք տեսնում Հայաստանում։ Ինչ-որ տերտերներ կան, որոնք Նիկոլին դիմավորում են, ողջունում են, բացարձակ ամոթ չունեն, որպես օրինակ՝ Հայ առաքելական եկեղեցու Բալթյան երկրների թեմի առաջնորդի ընդունելությունը։ Եթե աղանդավոր Նիկոլը Հայ առաքելական եկեղեցու հետ հարաբերություններում անցնում է բոլոր կարմիր գծերը, ուրեմն եկեղեցին պարտավոր է նզովել Նիկոլ Փաշինյանին և նրա կողակցուհուն իրենց հակաեկեղեցական արշավի համար»,-եզրափակում է Գագիկ Համբարյանը։

ԼՈՒՍԻՆԵ ԱՌԱՔԵԼՅԱՆ

Մանրամասները՝ «Փաստ» օրաթերթի այսօրվա համարում