Ռուսական «Ռոսատոմ»-ը կղեկավարի կոնսորցիումը, որը կառուցելու է Ղազախստանի առաջին ատոմակայանը
Ռուսաստանի պետական ատոմային «Ռոսատոմ» ընկերությունն ընտրվել է՝ առաջնորդելու միջազգային կոնսորցիումը, որը կկառուցի Ղազախստանի առաջին ատոմային էլեկտրակայանը։ Այս մասին շաբաթ օրը հայտնել է երկրի նորաստեղծ ատոմային էներգետիկայի գործակալությունը։ Այս մասին գրում է «Ազատություն»-ը։
Այլ առաջարկներ եղել են Չինաստանի պետական China National Nuclear Corporation-ից, ինչպես նաև ֆրանսիական և հարավկորեական ընկերություններից։
Գործակալությունը, որը հիմնադրվել է այս տարվա մարտին, նշել է, որ ուսումնասիրել է տարբեր ռեակտորային տեխնոլոգիաներ և դրանք գնահատել ատոմակայանի անվտանգության, կադրերի վերապատրաստման և մի շարք այլ չափանիշներով։
«Գործակալությունը որոշել է, որ Ղազախստանում ատոմային էլեկտրակայանի կառուցման համար ամենաօպտիմալ և շահավետ առաջարկները ստացվել են ռուսական «Ռոսատոմ» ընկերությունից»,- ասված է հաղորդագրության մեջ։
Ներկայումս «Ռոսատոմ»-ի առաջարկների հիման վրա մեկնարկել են աշխատանքներ՝ Ռուսաստանից պետական արտահանման ֆինանսավորում ներգրավելու ուղղությամբ։
Հիշեցնենք, որ Ռուսաստանի նախագահ Վլադիմիր Պուտինը նոյեմբերին այցելել էր Ղազախստան և քննարկել էներգետիկ և արդյունաբերական կապերի խորացման հնարավորությունները։ Ղազախստանը, որն իր նավթի մեծ մասը արտահանում է Ռուսաստանի տարածքով, այժմ փորձում է նոր ուղիներ ուսումնասիրել։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը