Ուշագրավ իրադարձություն բանկային համակարգում. ի՞նչ խոշոր ներդրում է կատարվել օտարերկրյա ընկերության կողմից. «Փաստ»
«Փաստ» օրաթերթը գրում է.
Պարզվում է՝ անցած տարի բավականին հետաքրքիր իրադարձություն է տեղի ունեցել հայաստանյան բանկային համակարգում: Խոսքն այն մասին է, որ 2024 թվականին Զարգացման ֆրանսիական գործակալության խմբի դուստր ընկերություն Պրոպարկոն դարձել է Ակբա բանկի 10 տոկոսի բաժնետեր, ինչը վկայում է Ակբայի նկատմամբ վերջինիս ունեցած բարձր վստահության մասին։ Օտարերկրյա ընկերության կողմից նման խոշոր ներդրումն ինքնին բավականին խոսուն է:
Ընդհանրապես, 2024-ը միջազգային կազմակերպությունների հետ գործընկերության աննախադեպ զարգացման տարի է եղել. ի մասնավորի, Ակբան կնքել է ռեկորդային վարկային պայմանագրեր և ռիսկերի բաշխման գործարքներ Եվրոպական ներդրումային բանկի (EIB), ԱՄՆ Միջազգային զարգացման ֆինանսական կորպորացիայի (DFC), Ճապոնիայի միջազգային համագործակցության գործակալության (JICA), Միջազգային ֆինանսական կորպորացիայի (IFC), Վերակառուցման և զարգացման եվրոպական բանկի (EBRD) հետ և այլն։ Բացի այս, 2024-ին Ակբա բանկն ու American Express-ը նաև հայտարարել են իրենց երկարամյա համագործակցության ընդլայնման մասին:
Ակբա բանկի գլխավոր գործադիր տնօրեն Հակոբ Անդրեասյանը նշում է, որ բանկը վայելում է միջազգային գործընկերների վստահությունը. «Մենք ուժեղ ենք այն փորձով, որը կարողանում ենք կուտակել իրենց հետ համագործակցության ընթացքում: Ես կարծում եմ, որ սրանով մենք հստակ ուղերձ ենք տալիս, որ բանկը թափանցիկ է և կանխատեսելի, և բանկի բաժնետոմսերի ձեռքբերումը երկարաժամկետ առումով շատ հաջող և եկամտաբեր ներդրում է» ։
Հավելենք, որ 2024 թ. ընթացքում Ակբա բանկի զուտ շահույթը կազմել է 28,8 մլրդ ՀՀ դրամ: Աակտիվներն աճել են 18,9 %-ով՝ հասնելով 931,7 մլրդ դրամի, կապիտալ՝ 22,8 %-ով՝ հասնելով 163,4 մլրդ դրամի, վարկային պորտֆելը՝ 16,8 %-ով՝ հասնելով 629,3 մլրդ դրամի: acba digital օգտատերերի թիվը աճել է 37,9 %-ով՝ հասնելով շուրջ 530 000-ի։
Ի դեպ, նշենք, որ 2024 թվականի արդյունքներով, Ակբա բանկը Հայաստանի խոշոր հարկատուների ցանկում եղել է 18-րդը՝ վճարած 13,2 մլրդ դրամ հարկով: Բանկային համակարգում սա երկրորդ ցուցանիշն է:
Մանրամասները՝ «Փաստ» օրաթերթի այսօրվա համարում
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
ՔՊ-ականները ոչ թե վախենում են Արցախ արտասանել, որպեսզի «չխաթարեն խաղաղության» գործընթացը, այլ դա հեն...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
ԶՊՄԿ-ի տնտեսական ազդեցությունը․ ինչպես է խոշոր արդյունաբերական ընկերությունը ձևավորում նոր հնարավորո...
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...