Ովքե՞ր են «նիկոլականները». «Փաստ»
«Փաստ» օրաթերթը գրում է.
Բավական է ուշադիր հետևել Նիկոլ Փաշինյանի գրառումներին, թեկուզ միայն վերջին 1 շաբաթվա կամ 10 օրվա ընթացքում, ու հստակ պատկեր կստացվի, թե իրականում ի՞նչ վիճակում է նա: Նկատի ունենք՝ հանրային-քաղաքական ու հասարակական ընկալման առումով:
Նախ՝ Փաշինյանի գրառումների արձագանքների բացարձակ մեծամասնությունը՝ մոտ 80-90 տոկոսը, նրան հասցեագրված անվանարկումներ են: Կոպիտ, անմեջբերելի արտահայտություններ են, եթե ավելի կոշտ բառեր չնշենք: Այսինքն, Փաշինյանի հակավարկանիշը ոչ միայն իրական կյանքում, այլև սոցցանցերում է աստղաբաշխական ցուցանիշների հասել: Փաշինյանի վարկանիշային անկումն այնքան սրընթաց է, որ շուտով նրա կառավարության՝ իբր տիեզերք արձակված արբանյակներին «վազանց» կանի:
Դա հասկանալի է, դա ակնհայտ է, որն ապացուցելու կարիք չունի. բավական է միայն փողոց դուրս գալ: Լավ, իսկ ովքե՞ր են Նիկոլ Փաշինյանի «կողքին», ովքե՞ր են նրա կողմնակիցները: Ավելի ճիշտ է ասել՝ ովքե՞ր են շարունակում մնալ «նիկոլական»:
Այստեղ միանգամից մի կողմ ենք դնում նրա «թիմն» ու «մերձավոր շրջապատը»: Մի կողմ ենք դնում, քանի որ ակնհայտ է՝ նրանք կորցնելու շատ բան ունեն, խորապես թքած ունեն Հայրենիքի, պետության, ժողովրդի ու նրա ճակատագրի վրա: Նրանց համար աշխարհում ամենակարևոր բաներն իրենց պաշտոններն են ու իրենց փողը, իրենց պարգևավճարները, ինչպես ժամանակին Փաշինյանն էր ասում՝ բյուջետային «լափամանը»:
Մի կողմ ենք դնում նաև սոցցանցային ֆեյքերին: Հասկանալի է, որ որոշակի իշխանական կամ նրանց հարող կառույցներ զբաղված են ֆեյքեր բուծելով ու դրանցով սոցցանցային տարածք «լցնելով»: Անդեմ, աննկար ինչ-որ «կերպարներ» են: Ավելին, երբ նայում ես, թե ովքեր են «սրտիկել» (չափազանց հավանել) Փաշինյանի գրառումները, զավեշտական պատկեր է ստացվում, քանզի ակնհայտ է դառնում, որ դրանք «բոտ» միացրած մեխանիզմով ստեղծված՝ արհեստական «օգտատերեր» են, առավելապես տարբեր ազգերի «ներկայացուցիչներ»:
Մնում են մի քանի իրական օգտատերեր, որոնք դեռ գրում են՝ «Նիկոլ խզոր», «Նիկոլ վարչապետ», «մեր փրգիիիչ» ու նման՝ վաղուց ծիծաղաշարժ դարձած բաներ: Ընդ որում, հաճախ 1-2 նման անձինք ապահովում են դրական կարծիքների մի 20-30 տոկոսը՝ նոն-ստոպ գրառումներ անելով նույն «ստատուսի» տակ: Բայց ամենատիպիկը, որ մեր ուսումնասիրությունները ցույց տվեցին, այն է, որ նրանց ճնշող մեծամասնության գրառումները անգրագետ կամ կիսագրագետ շարադրանքով են, խայտառակ տառասխալներով, առավելապես՝ լատինատառ, ու հիմնական գրածներն էլ նույն բովանդակությունն ունեն. ինչպես վերը նշեցինք՝ «խզոր Նիկոլ»-ի հանգվույն:
Ասեք, որ շատ բնութագրական է...
Մանրամասները՝ «Փաստ» օրաթերթի այսօրվա համարում
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Երբ ջնջվում է... ոգին. «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան