«Ժողովուրդ». Ինչ է հայտարարագրել Լենա Նանուշյանը
«Ժողովուրդ» օրաթերթը գրում է. «Առողջապահության նախարար Անահիտ Ավանեսյանի առաջին տեղակալ Լենա Նանուշյանը պաշտոնի նշանակվել է 2021 թվականի հունվարի 26-ին՝ ճիշտ այն ժամանակ, երբ Արսեն Թորոսյանին հունվարի 18-ից փոխարինում էր ներկայիս նախարարը՝ Անահիտ Ավանեսյանը։
Հարկ է նշել, որ Նանուշյանն այն իշխանականներից է, որ հեղափոխությունից հետո նոր տուն է ձեռք բերել։
4 տարիների պաշտոնավարման ընթացքում Նանուշյանը քիչ եկամուտ չի դիզել։ Նա 2022 թվականին ձեռք է բերել բնակարան «Սկայ բիլդինգ» ՍՊԸ-ից՝ 54 մլն 474 հազար դրամ արժողությամբ։ «Սկայ Բիլդինգ» ՍՊԸ-ի գործունեությունը, ըստ մամուլում տարածված լուրերի, 2022 թվականի մարտին միացման եղանակով դադարեցվել է։
Ընկերությունը միավորվել է հանքարդյունաբերության և բնակելի շենքերի շինարարության ոլորտներում հայտնի «ՄԼ Մայնինգ» ընկերության հետ, որը պատկանում է Հատուկ քննչական ծառայության նախկին գլխավոր քարտուղար Դավիթ Սուքիասյանին:
Փոխնախարար Նանուշյանն արդեն մի քանի տարի է հայտարարագրում է բնակարան, որը նվիրատվություն է ստացել 2015 թվականի հոկտեմբեր ամսին։
Ըստ Լենա Նանուշյանի՝ 2024 թվականին ներկայացրած գույքի, եկամուտների, ծախսերի և շահերի հայտարարագրի՝ նրա բանկային ավանդները կազմել են 7 մլն դրամ։
Բանկային հաշիվների մնացորդները կազմել են 2 մլն 48 հազար դրամ և 20 հազար 862 դոլար։
Հաշվետու տարվա եկամուտները կազմել են 21 մլն 641 հազար դրամ, որից 16 մլն 932 հազարը աշխատանքի վարձատրություն է ՀՀ առողջապահության նախարարությունից, 3 մլն 708 հազար դրամը, ըստ հայտարարագրի, եկամտային հարկի վերադարձ է, որը, սակայն, տալիս է ոչ թե նախարարությունը, այլ կա՛մ ՊԵԿ-ը, կա՛մ ՀՀ ֆինանսների նախարարությունը։
Նանուշյանը 1 մլն դրամ, որպես այլ եկամուտ, ստացել է Մարինա Խաչատրյանից։
Ստացած վարկերի և փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է 32 մլն 101 հազար դրամ, որը բնակարանի հիփոթեքի մայր գումարի մնացորդն է։
Հետաքրքիր մեկ հանգամանք ևս կա, որ Լենա Նանուշյանի ամուսինը՝ Արթուր Մխիթարյանը հանդիսանում է «Փարվանա» ռեստորանային համալիրի տնօրենը և, ըստ հայտարարագրի, 1995 թվականից 40% մասնակցություն ունի»։
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Երբ ջնջվում է... ոգին. «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան