Harmony Meetup 7 համաժողովին ներկայացվել են YoSpace-ի բոլոր պրոդուկտները
Օրերս «Փարավոն» համալիրում կայացել է Harmony Meetup 7 տեխնոլոգիական համաժողովը։ Ամենամյա համաժողովն այս տարի հյուրընկալել է 500-ից ավելի միջազգային հյուրերի, որի մեծ մասը՝ ՏՏ խոշոր ընկերությունների ղեկավար կազմի ներկայացուցիչներ։
Harmony Meetup 7-ի հարկի տակ հավաքված ՏՏ համայնքի, ոլորտի մասնագետների քննարկման առանցքային թեման արհեստական բանականության հնարավորություններն ու բիզնեսում նոր ոլորտների ներգրավումն էր։ Սրա շրջանակներում տեխնոլոգիական համայնքի ուշադրությանն են ներկայացվել YoSpace խմբի բոլոր Yo պրոդուկտները՝ իրենց նորարարական լուծումներով և արհեստական բանականության ինտեգրման ընթացիկ գործընթացներով։
Համաժողովին ներկայացվել է YoHealth առողջ ապրելակերպը խթանող հայկական հավելվածը, որը հաշվարկում է օգտատերերի քայլերն ու դրամայնացնում դրանք։ Միջոցառմանը ներկա է եղել Անգլիայի Պրեմիեր լիգայի և Չեմպիոնների լիգայի հաղթող, ֆրանսիացի ֆուտբոլային աստղ Պատրիս Էվրան, ով հանդիսանում է YoHealth-ի պաշտոնական դեսպանը։ Նա այս օրերին գտնվում է Հայաստանում և YoHealth-ի հովանավորությամբ վարպետության դաս է իրականացրել «Փյունիկի» սաների հետ և հանդիպել երկրպագուների հետ։
Ի դեպ, համաժողովին հայտարարվել է, որ YoSpace խումբը նախատեսում է յուրաքանչյուր երկրի համար տրամադրել հավելվածի օգտագործման մեկական ֆրենչայզի արտոնագիր։ Այս ձևաչափով համագործակցող անձինք կամ կազմակերպությունները կստանան բացառիկ ներկայացուցչության իրավունք տվյալ երկրի տարածքում։
Ներկայացվել է YoHealth-ի հետ ինտեգրված InBody սմարթ կշեռքը, որը վայրկյանների ընթացքում տրամադրում է համապարփակ տվյալներ մարդու ֆիզիկական վիճակի մասին՝ մարմնում ընդհանուր ջրի քանակը, սպիտակուցների և հանքանյութերի քանակը, հաշվարկում է ճարպային զանգվածը, սրանց հիման վրա էլ կազմվում է սեգմենտային վերլուծություն և առաջարկում անհատականացված խնամքի պլան։
YoSpace խմբի այլ պրոդուկտներից ուշադրության կենտրոնում է գտնվել YoBlog-ը՝ բացառիկ հարթակ, որտեղ մարդիկ հնարավորություն ունեն դրամայնացնել իրենց հետևորդների և դիտումների քանակը՝ ստանալ FTN-ներ որպես պարգևատրում: YoSpace-ը մի հարթակ է, որն ունի նաև առցանց առևտրի հնարավորություն՝ YoMall-ի միջոցով, հնարավորություն է տալիս բացահայտել բնակարաններ, հյուրանոցներ, սննդի վայրեր՝ YoDoor-ի միջոցով։
Հյուրերը հնարավորություն ունեցան ծանոթանալ YoSpace-ի բոլոր նախագծերում ինտեգրված արհեստական բանականության մեխանիզմներին։ Ընկերության նախագծերի հիմքում մեկ մոտեցում կա՝ ժամանակակից տեխնոլոգիաների միջոցով ավելի սահուն դարձնել օգտատերերի փորձառությունն ու երկկողմանի հնարավորություններ ընձեռել թե՛ մասնավոր տնտեսվարողներին, որոնց համար YoSpace-ը մարքեթինգային հարթակ է հանդիսանում, թե՛ օգտատերերին։
YoSpace խմբի բանախոսները ներկայացրել են իրենց փորձն արհեստական բանականության արդյունավետ կիրառման ուղղությամբ՝ ընդգծելով ժամանակակից տեխնոլոգիաներին համահունչ զարգանալու իրենց ձգտումը։
Harmony Meetup 7-ի ընթացքում տեղի են ունեցել նաև պանելային քննարկումներ, փորձի փոխանակում։ Harmony Meetup տեխնոլոգիական համաժողովը միտված է համախմբել տեխնոլոգիական ոլորտի միջազգային առաջատարներին՝ հնարավորություն ընձեռելով ստեղծել ամուր գործընկերային կապեր։
Փամբակ գետում հայտնաբերվեց ջրահեղձ եղած 7-ամյա աղջնակի մարմինը
Դիմում եմ պահեստազորի գեներալներին, սպաներին, ենթասպաներին և պահեստազորում հաշվառված շարքային կազմին...
Նոր մանրամասներ ողբերգական դեպքից
«Հրապարակ»․ Սիփան Փաշինյանը՝ Տավուշի մարզպե՞տ
«Ժողովուրդ». Արդարադատության նախարարությունը մերժել է Արթուր Ղազինյանի կուսակցության գրանցումը
Դոլարն էժանացել է․ փոխարժեքն՝ այսօր
ՀՀ-ից որոշ ապրանքների մատակարարման սահմանափակումները պայմանավորված են ոչ թե քաղաքականությամբ, այլ հա...
«Հրապարակ»․ Միքայել Մելքումյանը խզել է կապերը ԲՀԿ-ի հետ
Զոհված կին զինծառայողների մարմինները պղծելուց հետո ադրբեջանցի պաշտոնյաները հերթով ՀՀ են գալիս
Նարեկ Կարապետյանի շուրջ վարույթը՝ փաստերի՞, թե՞ քաղաքական նպատակահարմարության հարց․ Լիլիա Շուշանյան