«Այդ անձնավորությունն ամբողջովին ձգտում է միապետական կարգեր հաստատել». «Փաստ»
«Փաստ» օրաթերթը գրում է.
Վարչապետի պաշտոնը զբաղեցնող անձը ձգտում է ամբողջովին միայն ու միայն իրեն ենթարկել ամբողջ կառավարման համակարգը, և դա ստացվում է: Այս մասին «Փաստի» հետ զրույցում ասել է ՀՀ Մարդու իրավունքների նախկին պաշտպան Լարիսա Ալավերդյանը՝ հավելելով. «Այդ անձնավորությունն ամբողջովին ձգտում է միապետական կարգեր հաստատել՝ շնորհիվ ոչ թե օրենքին, իրավունքին և Սահմանադրությանը ենթարկվող, այլ այն հլու-հնազանդ իր հանձնարարությունները կատարող մարմինների անդամների»:
Ալավերդյանը գործարար, բարերար Սամվել Կարապետյանի նկատմամբ իրականացվող գործողությունները որակում է ոչ միայն քաղաքական հետապնդում, այլև ինքնիրավչության ամենագռեհիկ դրսևորում։ Նա ընդգծում է, որ Սամվել Կարապետյանի նկատմամբ գործողություններով գործող իշխանությունը ցույց է տալիս, որ պատրաստ է հետապնդել ցանկացած այլախոհի։
«Ես դատապարտում եմ այդ մեթոդը, Սամվել Կարապետյանի հանդեպ գործողությունները, որովհետև դրանով նա ապացուցեց, որ հետապնդելու է ցանկացած այլախոհի, ինչպես նա և հստակ հայտարարեց հակաքրիստոնեական արշավի մասին»,– ասել է Մարդու իրավունքների նախկին պաշտպանը։
Ըստ Ալավերդյանի, Նիկոլ Փաշինյանի գլխավորած վարչակազմը որևէ աղերս չունի ժողովրդավարության հետ։ «Նիկոլ Փաշինյանի ղեկավարած իշխանությունը ոչ թե դեմոկրատական է, այլ ամբոխավարական, ընդ որում՝ ամենացինիկ դրսևորմամբ»,– նշել է նախկին պաշտպանը։
Ինչ վերաբերում է Կարապետյանի կալանավորման ու ՀԷՑ-ի հետ կապված հնարավոր հետևանքներին ու մասնավորաբար հավանական ազդեցությանը ներդրումային միջավայրին, ապա Ալավերդյանը համոզված է, որ ամենազգայուն ազդանշանը ներդրողների համար ոչ թե Ստոկհոլմի արբիտրաժի որոշումն է, այլ այն, ինչ դրան նախորդել է՝ վարչապետի պաշտոնը զբաղեցնողի կամայական և անպատասխանատու վարքագիծը։
«Նիկոլ Փաշինյանի որոշումները կարող են ուղղակիորեն արտասահմանյան ներդրումների նվազման պատճառ դառնալ,– ընդգծել է նա՝ նշելով, որ ստեղծված իրավիճակից դուրս գալու միակ ճանապարհը գործող իշխանության հրաժարականն է։ «Այս իշխանությունների միակ անելիքը օր առաջ հրաժարական տալն է»,– կարծում է Լարիսա Ալավերդյանը:
Մանրամասները՝ «Փաստ» օրաթերթի այսօրվա համարում
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Երբ ջնջվում է... ոգին. «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան