Ցտեսություն ցամաքային արևային էներգիա. Հնդկաստանը փորձարկում է բոլորովին նոր էներգիայի աղբյուր

Ասիական երկրները, ինչպիսին է Հնդկաստանը, նախընտրում են ներդնել կանաչ էներգիայի նոր տեսակ՝ լողացող էներգիա, որը փոխարինում է ավանդական արևային էներգիային։ Nature Sustainability ամսագրում հրապարակված վերջերս կատարված ուսումնասիրությունը նշել է, որ եթե աշխարհի 114,000 ջրամբարների մակերեսի ընդամենը 30 %-ը ծածկված լիներ լողացող արևային վահանակներով, ապա հնարավոր կլիներ տարեկան արտադրել մոտ 9,000 տերավատտ-ժամ էներգիա։ Այդ տպավորիչ ցուցանիշը, անշուշտ, լողացող արևային էներգիան ավելի գրավիչ է դարձնում, գրում է ecoticias.com-ը, գրում է focus.ua–ն։

Լողացող արևային էներգիան լավ է, քանի որ այն ոչ միայն արտադրում է մաքուր էներգիա, այլ նաև խնայում է ջուրը։ Ջրամբարների մակերեսը ծածկելով հսկայական ֆոտովոլտային մարտկոցները նվազեցնում են ջրի գոլորշիացումը, այդպիսով տարեկան խնայելով մոտ 106 խորանարդ կիլոմետր ջուր: Զարմանալի չէ, որ ասիական երկրները, ինչպիսին է Հնդկաստանը, նախընտրում են ներդնել այդ տեսակի կանաչ էներգիան՝ լողացող արևային էներգիան, որը փոխարինում է ավանդական արևային էներգիային։

Քանի որ Հնդկաստանն արդեն իսկ առաջատար է արևային էներգիայի ոլորտում, պարզ է դառնում, թե ինչու է երկիրն այդքան տարված ջրի մակերեսին լողացող արևային վահանակների փորձարկմամբ: Երկիրն ունի բազմաթիվ ջրանցքներ և ջրամբարներ, ուստի շատ ավելի իմաստ ունի լողացող արևային էլեկտրակայաններ տեղադրել այդ ջրային մակերեսների վրա և թողնել հողը մշակաբույսերի աճեցման համար։ Նպատակն է օգտագործել արևի էներգիան և պահպանել խմելու համար պիտանի ջուրը: Լողացող վահանակները կարող են արտադրել մոտ 15 %-ով ավելի շատ էլեկտրաէներգիա, քան ցամաքայինները, միաժամանակ նվազեցնելով այնպիսի խնդիրներ, ինչպիսին է գերտաքացումը։

Լողացող արևային համակարգերը տեղադրվում են ավելի մոտ այն հիդրոէլեկտրակայաններին կամ ջրամաքրման կայաններին, որոնք արդեն իսկ միացված են ցանցին: Դրանով ի չիք է դարձվում  նոր էներգիայի աղբյուրները ցանցին միացնելու հետ կապված խնդիրները: Հնդկաստանն արդեն իսկ լողացող արևային վահանակների ամենամեծ ներուժ ունեցող հինգ երկրներից մեկն է: Այդ անհավանական ֆոտովոլտային ներուժ ունեցող այլ երկրների թվում են Բրազիլիան, Կանադան, Չինաստանը և Միացյալ Նահանգները:

Հնդկաստանում արդեն իսկ ներդրվել է 10,000,000 արևային վահանակ՝ 2,000 ՄՎտ ընդհանուր հզորությամբ, և դա արագացնում է արևային էներգիայի զարգացման գործընթացը։

Այնուամենայնիվ, չնայած լողացող արևային էներգիայի առավելություններին, տեխնոլոգիան պետք է հաղթահարի որոշ խոչընդոտներ։ Ամենամեծ մարտահրավերներից մեկը տեղադրման և սպասարկման ծախսերն են, որոնք զգալիորեն ավելի բարձր են, քան ավանդական արևային էլեկտրակայաններինը։ Այդ վահանակները ջրային մարմիններում լողացող պահելու հարցը նույնպես չի կարելի անտեսել։ Այնուամենայնիվ, ընդհանուր առմամբ, եթե հաշվի առնենք բոլոր ծախսերի գործոնները, ապա լողացող արևային էներգիան ապագա ունի։

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]