1 տարում ՔՊ-ին ֆիզիկական անձանց կողմից նվիրատվությամբ տրվել է 138 մլն 880 հազար դրամ. «Ժողովուրդ»
«Ժողովուրդ» օրաթերթը գրում է. «Պետական պաշտոնյաներից զատ՝ հայտարարագիր է ներկայացվում նաև կուսակցությունների կողմից։ «Ժողովուրդ» օրաթերթը ուսումնասիրել է «Քաղաքացիական պայմանագիր» կուսակցության՝ Կոռուպցիայի կանխարգելման հանձնաժողով ներկայացրած 2024 թվականի հաշվետվությունը։
Համաձայն այդ հաշվետվության՝ ՔՊ-ի ղեկավար կազմը բաղկացած է 15 հոգուց՝ Նիկոլ Փաշինյան, Ալեն Սիմոնյան, Արայիկ Հարությունյան, Արմեն Փամբուխչյան, Արսեն Թորոսյան, Արփինե Դավոյան, Գեւորգ Պապոյան, Գնել Սանոսյան, Ռոմանոս Պետրոսյան, Ռուբեն Ռուբինյան, Սասուն Միքայելյան, Սուրեն Պապիկյան, Վահագն Ալեքսանյան, Վաղարշակ Հակոբյան, Տիգրան Ավինյան։
«Քաղաքացիական պայմանագիր» կուսակցությունն ունի տարածքային 41 ստորաբաժանում։
Կուսակցությունը նախորդ տարի իրականացրել է 6 հետազոտություն․
«Ինչպես են գյումրեցիները վերաբերվում նախնական ընտրությանը» hարցում,
«Հարցում Երևանում» hարցում,
«Հայաստանում հարցվածների մեծ մասը կարծում է՝ երկրում կա խոսքի ազատության բարձր մակարդակ» վերլուծական, «Հայաստանի Հանրապետության սոցիալ-հոգեբանությունը» նկարագրական,
«Իշխանության ճյուղերի տարանջատումը» նկարագրական,
«Ի՞նչ է քաղաքական պատասխանատվությունը»։
ՔՊ-ի դրամական մուտքերը նախորդ տարի կազմել են ընդամենը 487 մլն 522 հազար դրամ, որից Օրենքով սահմանված կարգով ստացված բյուջետային ֆինանսավորումը կազմել է 214 մլն 646 հազար դրամ։
Ֆիզիկական անձանց դրամական նվիրատվությունները կուսակցությանը կազմել են 138 մլն 880 հազար դրամ, որոնք տրվել են 590 անձանց կողմից։
ՔՊ կուսակցությանը անդամավճար է վճարել 10 հազար 277 մարդ, որոնց վճարած գումարը կազմել է 109 մլն 199 հազար դրամ։
Տեղական և միջազգային համագործակցության շրջանակներում կուսակցությանն ու նրա անդամներին ուսումնառության, վերապատրաստման, համաժողովներին, սեմինարներին ու նմանատիպ այլ միջոցառումներին մասնակցության նպատակով հատուցված համապատասխան միջոցների շարքում ներառված է «Չինաստանի կոմունիստական կուսակցության պատմությունը» թեմայով միջոցառումների շարքը, որի գնահատվող գումարը կազմել է 7 մլն 765 հազար դրամ»։
Մանրամասները՝ թերթի այսօրվա համարում:
Եկեղեցին վերականգնվել է իր սկզբնական ճարտարապետական ոճին համապատասխան․ Հիքմեթ Հաջիևը տեսանյութ է հրա...
Ադրբեջանական կողմից նախապատրաստվել և առաջ են մղվում անհիմն ու արհեստական թեզեր․ փորձագետ
Տարադրամի փոխարժեքները մայիսի 2-ին
Սամվել Ալեքսանյանը 350 հազար կիլոգրամ գոմեշի միս է ներկրելու Հնդկաստանից․ Կառավարությունից աջակցությ...
Մոսկվայում մայիսի 9-ին կայանալիք Հաղթանակի շքերթը կանցկացվի առանց ռազմական տեխնիկայի շարասյան
Երևանյան գագաթնաժողով. Թուրքիայի փոխնախագահի հանդիպումների և հռետորաբանության հետագիծը․ Գեղամյան
Ջուր չի լինի՝ մայիսի 4-ին. հասցեներ
Թափանցիկության բացակայություն՝ ադրբեջանական պատվիրակության այցի շուրջ. «Ժողովուրդ»
Արցախցի գործարարը, որին հյուրընկալվեց Փաշինյանը, առնչվում է փողերի լվացման գործին. «Ժողովուրդ»
ՊԵԿ-ը բացահայտել է խոշոր չափերի` կանխիկ 72,6 մլն ռուսական ռուբլու ներկրման դեպքեր