Գործավարից՝ դատավոր, 84 մլն եկամուտ է ստանում. ով էր Կարապետյանին դատող դատավորը․ «Ժողովուրդ»
«Ժողովուրդ» օրաթերթը գրում է. «Վերաքննիչ հակակոռուպցիոն դատարանի՝ կոռուպցիոն հանցագործությունների քննության մասնագիտացմամբ դատավոր Ժենյա Մելիքսեթյանը աշխատանքային կարիերան սկսել է 2009 թվականին, Շիրակի մարզի առաջին ատյանի ընդհանուր իրավասության դատարանում՝ որպես դատավորի գործավար։
5 տարի այդ պաշտոնում աշխատելուց հետո Մելիքսեթյանը նշանակվեց Շիրակի մարզի առաջին ատյանի ընդհանուր իրավասության դատարանում՝ որպես դատական նիստերի քարտուղար։
Այս պաշտոնից հետո, 7 տարի աշխատելով դատավորի օգնական, 2023 թվականին նշանակվեց Շիրակի մարզի առաջին ատյանի ընդհանուր իրավասության դատարանի դատավոր: Հաջորդ տարի նշանակվել է վերաքննիչ հակակոռուպցիոն դատարանի դատավոր:
Գործավարից դատավոր դարձած Ժենյա Մելիքսեթյանը, համաձայն 2024 թվականի եկամուտների անշարժ գույքի, շահերի և ծախսերի հայտարարագրի՝ 2013 թվականին ձեռք է բերել բնակարան Շիրակի մարզի Գյումրի քաղաքում։
Այս բնակարանը նախորդ տարի վաճառել է 28 մլն 795 հազար դրամով և ձեռք է բերել հիփոթեքով բնակարան Երևանում 38 մլն 933 հազար դրամով։
Տրանսպորտային միջոցներ դատավորը չի հայտարարագրել։
Դատավոր Մելիքսեթյանի բանկային հաշիվների մնացորդները կազմել են 17 մլն 124 հազար դրամ։ Կանխիկ դրամական միջոցները կազմել են 2 մլն դրամ և 4 հազար դոլար։
Դատավորի հաշվետու տարվա եկամուտները կազմել են 84 մլն 426 հազար դրամ, որից 12 մլն 824 հազարը աշխատանքի վարձատրություն է ՀՀ ԲԴԽ Դատական դեպարտամենտից, 474 հազար դրամը կենսաթոշակ է ՀՀ աշխատանքի և սոցիալական հարցերի նախարարության՝ Գյումրու սոցիալական ապահովության տարածքային բաժնից։
Եկամուտներից 24 մլն 885 հազար դրամը Մելիքսեթյանը հայտարարագրել է որպես գույքի օտարումից ստացված գումար, սակայն անշարժ գույքի օտարման բաժնում վաճառքից ստացված գումարը կազմել էր ոչ թե 24 մլն, այլ 28,7 մլն դրամ։ Արդյոք սա վրիպա՞կ է, թե՞ դիտավորություն. կպարզի Կոռուպցիայի կանխարգելման հաանձնաժողովը։
Չգիտես թե ինչու և ինչպես, Դատական դեպարտամենտը վարձակալության դիմաց Ժենյա Մելիքսեթյանին վճարել է 680 հազար 645 դրամ, այսինքն՝ դեպարտամենքը վարձակալել է դատավորին պատկանող տարածք։
Դատավորը Մելիքսեթյանը, որպես եկամտահարկի վերադարձ, ստացել է 2 մլն 97 հազար դրամ, իսկ եկամուտներից 43 մլն 465 հազար դրամը վարկ է «Ակբա» բանկից։
Ստացված վարկերի և փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է 39 մլն 453 հազար դրամ»։
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
ԱՄՆ-ն «բանակցում է» Իրանի առաջնորդների հետ պատերազմին վերջ դնելու համար. Թրամփ
Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է. «Հրապարակ»
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
«Փակ վիճակում են բերել, դա ինձ տանջում է մինչ օրս. գոնե վերջին անգամ համբուրեի, ասեի գնաս բարով, իմ ...
Երբ նայում ես «խաղաղության» կոնտեքստին, հասկանում ես, որ Մեծ Եղեռնը վերջին «եթերաշրջանը» կունենա
ԱՄՆ-ն Եվրոպայից տեղափոխել է Patriot հակահրթիռային համակարգերը Մերձավոր Արևելք
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»